Diaranson ultimo directiva di e New China Club Cooperative Association representando e comunidad Chines a haci entrega di un donacion di 11.000 mask na Minister Maduro.
E masknan aki ta specialmente pa esnan cu ta trahando den frontline den diferente departamento di Gobierno y tambe pa miembronan di Cuerpo Policial.
William Cheng, presidente di e directiva di Club Chines a bisa cu nan kier duna un aporte na specialmente e trahadonan den sector publico cu ta brindando servicio y tambe e polisnan pa asina nan tambe ta bon proteha ora nan ta eherce nan labor. Alabes sr. Cheng a anuncia cu comunidad Chines lo sigui yuda comunidad di Aruba specialmente den e situacion di crisis di COVID-19 y cu pronto lo yega dos container cu cuminda cu lo bay wordo reparti na esnan di mas necesidad.
Minister Maduro a bisa cu Gobierno di Aruba ta aprecia e contribucionnan aki di parti di comunidad di Chines pa nos pueblo di Aruba y a gradici e comunidad Chines pa nan aporte positivo na e momentonan aki cu Aruba mas mester di nos tur su cooperacion, empatia y sosten.
