Astronauta Mericano lo pasa 11 luna den espacio, kibrando record femenino

Un astronauta di NASA lo pasa casi un aña den Stacion Espacial Internacional, kibrando un record pa hendenan muhe.

Astronauta Christina Kock lo keda a bordo di e Stacion pa casi 11 luna, te februari – yegando cerca, pero no kibrando, e record Mericano di Scott Kelly, cu ta 340 dia.

“Un luna down. Dies pa bay”, el a tweet ayera. El a bisa cu e ta sinti increibel di tin asina tanto tempo extra den espacio, y cu ta ‘un berdadero honor y un soño bira realidad’.

Koch tabata sa prome cu su lansamento luna pasa cu su vuelo lo por extende na 2020, y a pidi conseho di Kelly como tambe e astronauta retira, Peggy Whitson, kende actualmente tin e record pa cosmonauta femenino.

Koch lo kibra e record di 288 dia di Whitson pa e vuelo espacial singular di mas largo pa un muhe na fin di december. “Mi ta spera cu mi presencia aki haciendo mi miho esfuerso tur dia ta un manera pa mi gradici hende manera e”, Koch a bisa tocante Whitman durante un entrevista di Nasa.

Koch a bisa cu prome cu su vuelo, e y su casa a scucha un audio di e autobiografia di 2017 id Kelly, ‘Endurance’. El a bisa cu tin hopi bon conseho den dje.

Un ingeniero electrico kende a traha na Antartica, Koch lo ricibi test medico durante su estadia. Mester mas persona y mas diversidad, el a nota, pa compronde miho e efectonan a largo plaso di biahe espacial, mientras NASA tin como meta pa hiba astronautanan bek riba luna dentro di cinco aña.

“Casi ta birando algo normal pa tin un persona a bordo di e stacion pa 10, 11 luna, pasobra nos a hacie den pasado, nos ta bon den dje y nos lo sigui haci e”, el a bisa.

Koch lo mester a forma parti di e prome team completamente femenino pa caminata espacial, pero na luga di esey, a sali algun siman atras cu un compañero masculino, pa motibo di e size di e trahe espacial.

Dr. Andrew Morgan tambe lo extende su estadia. E lo biaha e berano aki pa un mision di 9 luna – mas largo cu e seis luna normal. E dokter y oficial militar lo sali di Kazakhstan cu un Italiano y un Ruso dia 20 di juli, dia di e 50 aniversario di e prome aterisahe humano riba luna.

Koch y Morgan ta pertenece na e klas di astronauta di NASA 2013, e prome dividi 50-50 entre homber y muhe.

Rusia ainda tin e record pa estadia mas largo den espacio. Valeri Polyakov, un dokter cosmonauta Ruso, a pasa casi 15 luna den un mision a bordo di e antiguo stacion espacial Mir, den añanan 90. Kelly a bolbe Tera na 2016, y Whitson na 2017, tur dos ta retira.

 

You May Also Like

Encuentro entre Latino America, Caribe y China na Chile

E delegadonan cu ta asisti na e prome foro academico di Comunidad di Estado ...

Son ta yega in Dubai pa hunga cu Sur Korea den Cup Asiatico

Son Heung-min a yega na e Cup Asiatico despues di a perde e prome ...

zika virus 2.jpg

WHO: Zika emergencia di salud internacional. Pero por biaha sin restriccion

Manera departamento di Salud diabierna ya a anticipa: WHO a declara Zika como un ...

Casonan di violacion na India

Atrobe 2 mucha chikito viola na India

Na India gruponan di homber atrobe a viola dos mucha den dos indicente separa. ...

_84850596_028533944-1.jpg

Lider di oposicion Venezolano Daniel Ceballos aresta atrobe

Un di e lidernan general di oposicion Venezolano, Daniel Ceballos a wordo aresta atrobe ...

Detenido di caso Odebrecht na Peru a ser condena 18 luna na prizon

Un tribunal di Peru a dicta sentencia di prizon preventivo durante 18 luna contra ex ...