Cu hopi entusiasmo despues di basta preparacion intensivo, Asociacion Trabao di Hubentud na Aruba (ATHA) ta presenta e proyecto Gen297 na comunidad di Aruba. Gen297 ta posibel pa medio di un partnership entre Sociaal Crisis Plan, Cede Aruba y Samenwerkende Fondsen Cariben.
Gen297 ta un programa despues di scol pa hobennan di scol secundario, di dialuna pa diabierna di 1:00 – 5:30 pm y dirigi pa guia profesional.
Tur dia e hoben ta ricibi su cuminda di merdia, sigui pa un tempo designa pa traha riba tareanan di scol. Despues di esaki lo tin diferente actividad manera; deporte, baile, arte, recreacion y GenTalk inclui den e programa semanal caminda e hoben ta haya oportunidad pa desaroya nan talentonan segun nan interes.
E programa lo tin su base na Centro di Bario Brazil. Awe, dia 10 di mei lo tuma lugar e soft opening di Gen297. Pa cu esaki nos ta ofrece tur hoben cu kier Try-Out dianan 10, 11 y 12 di mei como dianan gratis pa participa. Asina nos ta spera di motiva e hobennan pa join nos den Gen297 cu hopi entusiasmo y motivacion.
Pa mas informacion di Gen297 por sigui nos riba nos Pagina di Facebook: Gen297, app 564-5060 of email na: gen297@athaaruba.com
