Durante fin di siman tras di lomba a tuma luga e evento di Premio Excelencia den Deporte.
E aña aki PED a conoce un cantidad di 14 federacion cu a manda un total di 84 atleta como nominado pa wordo premia pa nan logronan deportivo den aña 2017. Tambe a premia atletanan di Special Olympics, Paralympics y atletanan di scolnan basico y voortgezet onderwijs. E anochi aki e atletanan a wordo premia pa nan logronan deportivo den aña 2017. Loke a haci e anochi aki special ta e hecho cu esaki ta e di 15 aña cu PED ta tumando luga. Un evento cu su proposito ta pa elogia y motiva tur e atletanan di Aruba. Esaki ta segun e comunicado cu nos a ricibi.
Ganadonan
Atleta Femenino te cu 13 aña: Amika Every. Atleta masculino te cu 13 aña: Christiaan Jansen. Atleta Femenino 14 te cu 18 aña: Chiara Petrocchi. Atleta masculino 14 te cu 18 aña: Daniel Jacobs. Nobato deportivo femenino: Maria José Salazar. Nobato deportivo masculino: Edmund Lagmay. Atleta cu a destaca localmente: Linda Smith. Atleta di aña Internacional: Thashaina Seraus.
Special Olympics y Paralympics
Ganadonan di Special Olympics a resulta di ta Mark Gonzales y Rashely Diaz Wester. Ganadora di Paralympics ta Shenely Tromp.
Skol Basico di aña: Prinses Amalia Basisschool
Deportista di aña basis onderwijs femenino y masculino: Zuleima Hermanus (Scol Basico Washington) y Yoswill Pillier (Scol Basico Washington)
Voortgezet Onderwijs scol di aña : Abraham de Veer School
Deportista di aña femenino y masculino: Gilia Croes (Colegio Oranjestad) y Ricardo Carillo (Colegio Oranjestad)
Durante e anochi aki tambe a duna honor na atletanan cu no a wordo nomina pero cu sigur ta destaca den e mundo deportivo manera Sophia Petrocchi y David Polanco. Tambe tabata tin Honor al Merito kende nan tabata:
Emeterio Bareño, Toko Tromp, Rufo Kelly, Gerardo Kock y Augustin Bernabela. Pabien na tur e atletanan y tambe na e comision di PED cu a haci e anochi aki uno inolvidabel pa tur invitado.
