Dialuna pa mas o menos 10:37 am central di Polis a haya un yamada cu riba e caminda di Macuarima, e rotonde bay nort direccion pa Urataca, un homber di edad a keda atraca.
E persona lo tabata yegando un cas na Macuarima y a keda sorprendi pa dos homber papia spaño. Ambos persona tabata arma un cu arma di candela y otro cu cuchiu y asina a ataca e ciudadano maltrat’e , bay cu 10 mil dollar cu e tabatin den su poder y bandona den un auto blanco chikito.
Despues di esaki e victima cu herida na curpa a yega den su pickup na warda di Polis Santa Cruz pidiendo ayudo. Di biaha autoridad a yud’e y solicita ambulance cu urgencia debi cu e homber ta herida. Recherche y departamento forensico a bay na e homber su pickup pa saca potret y tuma datos debi cu e homber di edad a dal su auto contra di e auto di e atracadornan pa asina e scapa. Autoridad ta investigando e caso aki.
