No tabatin relacion amoroso entre director Serlimar y Sra. Lin segun su declaracion

Segun Sr. Lejuez, Sra. Ling ta cera ainda, e ta cera desde dialuna siman pasa. Normalmente bo ta keda cera pa 10 dia na warda di polis y si fiscaal ta haya cu e kier tene un persona pa mas largo, e ta bay na hues comisario den corte cu ta dicidi e ora si e persona ta bay KIA.

Bon Dia Aruba a puntra Sr. Lejuez di den e lucha cu su cliente a declara di a hiba cu Sr. Fingal pa defensa propio cu consecuencia fatal, si el a subri algun corta of sla tambe. Segun Sr. Lejuez: “E prome dia cu mi a wak e, e tabata kehando di dolor na su lomba, dolor na su schouder, mi a mira cu su man robes tabata hopi hincha, tur dos di su mannan tabatin corta riba nan, paden y pafo di su man tabata corta. E momento ey e tabata tembla y tabata den shock.”

Segun Sr. Lejuez tin hopi specualcion den e caso aki manera cu e Sra. lo ta envolvi den un massage erotico, cual no ta e caso. y tambe cu elo tin relacion amoroso cu Sr. Fingal, cual tampoco ta e caso te unda cu e tin entendi a base di locual Sra. Lin a declara

Sr. Fingal bebiendo alcohol oranan prome

A puntra Sr. Lejuez si Sr. Fingal tabata intoxica cual ta e caso segun e abogado a compronde, como cu e tabata na Four Seas prome, unda cu Sra. Lin a bay buske, prome cu esey  a compronde cu e tabatin un brindis cu su trabou y ora cu e tabata na e luga di Sra. Lin, tambe el a bebe un Whiskey.

Remarcabel ta cu ambos ta biba na Calbas, algun seconde den auto leu for di otro y tabatin amistad como cu Sr. Fingal tabata frecuenta e negoshi (Bar) 99 bar restaurant di Sra. Lin.