Diamars atardi riba e caminda di L.G Smith Boulevard na altura di Marriott Hotel a keda registra un accidente basta fuerte cu a laga persona herida.
Patruya di trafico y strandpolitie a presenta di biaha na e sitio. A constata cu e autobus a bay haci un U turn net momento cu un Kia Rio ta biniendo for di zuid direccion panort. Ambos vehiculo a keda basta kibra, paramedico di ambulance a presenta pa asina atende cu e victima.
