Despues di a ricibi un ola di reaccion negativo pa loke tabata trata e debate politico cu ta wordo organisa pa Camara di Comercio (KVK), a dicidi di trece cambio den esaki.
E ultimo dos dianan aki por a lesa hopi comentario riba rednan social y tambe na radio riba e hecho cu KVK a escohe 3 partido cu automaticamente lo participa den nan debate, poniendo e otronan den un posicion fastioso ya cu nan mester a participa na un encuesta pa wak sin tres mas di nan tambe por participa. Manera treci dilanti caba pa Bon Dia Aruba, e encuesta online no tabata bon ya cu fayonan technico tabata permiti pa bo vota mas cu un biaha pa e mesun partido.
Durante conferencia di prensa yama awe mainta pa KVK a anuncia cu a opta pa awor laga tur ocho partido inscribi pa eleccion 2017 forma parti di e debate.
Keda pendiente pa e seccion di eleccion 2017 cu pronto Bon Dia 24 lo trece pabo.
