Banco Central: recuperacion di economia den prome trimester

Ayera Banco Central di Aruba a publica e status di nos economia den e prome trimester di 2017. “Indicadornan economico ta señala inicialmente un recuperacion di e economia cu e desaroyo alentador di e sector turistico como e motor principal”, asina e Banco ta informa.

Entrada turistico y hotelero a subi indicando cu e expansion di e mercado Mericano tabata suficiente pa cancela e efectonan negativo di e retraso di e mercado Venezolano.
Di acuerdo cu varios indicador, inversionnan di e sector priva a acelera. Importacion di metalnan basico, mashin y aparatonan electro tecnico a expande substancialmente. Al contrario, e cantidad di permiso pa construccion duna a cay (-11,8 porciento), aunke cu e balor total di e permiso a bira casi dobel (+97,9 porciento). Mientrastanto, fiansa pa construccion di cas a mustra un 0,7 porciento subida, pero hypotheeknan comercial a cay cu 1,3 porciento, asina Banco Central ta bisa.

Crecemento di consumo
Indicadornan di consumo ta sigui mustra un imagen diverso den e prome trimester di 2017, e instituto ta indica. Credito na consumidor a indica un caida di 2,3 porciento den e prome trimester compara cu december 2016. Datonan di entrada di belasting, di otro banda, ta señala un crecemento den consumo. Entrada di BBO y impuesto riba importacion a resulta den crecemento di 9,6 porciento y 2,9 porciento, respectivamente, parcialmente causa pa mas esfuerso den coleccion. Entrada di accijns a crece cu 48,9 porciento carga pa un subida significante riba accijns di tabaco (pa e pre compra di stampia) y tambe pagonan atrasa relata na accijns riba gasolin. Sin e efectonan incidental, ta calcula cu entrada di accijns lo mustra un crecemento substancial sinembargo.

Debe gobierno ta subi
Na fin di e prome trimester di 2017, e deficit di gobierno (incluyendo cambio den pagonan atrasa) tabata Afl. 93,4 miyon, financia principalmente pa un emision di bono di gobierno riba e mercado domestico. E debe total di gobierno a yega na Afl. 4.090,8 miyon, un subida di Afl. 65,5 miyon den e periodo bou repaso. Consecuentemente, e debe den porciento di e PDB ta surpasa e nivel di 85 porciento, yegando na 85,4 porciento.

Den e prome trimester di 2017, e balansa di pago a registra un surplus di Afl. 41,7 miyon compara cu un surplus di Afl. 103,1 miyon den e prome trimester di 2016. E surplus den e prome trimester di 2017 ta debi na un balans positivo den cuenta coriente cu a wordo rebaha parcialmente pa un deficit den e cuenta di capital y di finansa. Reservanan oficial a realisa un crecemento chikito den e prome trimester di 2017 (+Afl. 18,8 miyon). Consecuentemente, reservanan total (incluyendo diferencianan den revaluacion) a alcansa Afl. 1.952,7 miyon. E tasa di cobertura di importacion a yega 5,4 luna, cu ta 0,2 luna mas abou cu na e fin di e prome trimester di 2016, asina Banco Central ta conclui.

You May Also Like

TOPA: Departamento nautico ta e curason di APA

Sindicato TOPA tabata satisfecho cu e resultado di e referendum di diabierna ultimo cerca ...

3424.jpg

I love My Body ta yega na mas cu 5000 hoben

Informacion di campaña di I love My Body di Famia Planea durante di temporada ...

Dep higiena implementacion ley cremacion Br 2.jpg

No ta existi maneho concreto riba prohibicion di shinishi di difunto plama den sitio publico  

– Departamento di Higiena como un departamento cu ta resorta bou Departamento di Salud ...

31aug, NW, ata jetblue.jpeg

Jetblue ta introduci vuelo for di Fort Lauderdale pa Aruba

Den presencia di Ministro di Turismo Otmar Oduber, CEO di Aruba Tourism Authority Ronella ...

Minister ta nenga di comenta riba situacion director di Meteo

Minister Chris Romero (MEP) ta nenga di duna comentario riba e situacion na Meteo ...

1mrt, JM, Gino Goeloe 1.jpg

Gino Goeloe: Nos grandinan ta birando mas grandi

Durante presentacion di rapport anual di Wit Gele Kruis na prensa recientemente, su director, Gino ...