FILE - In this May 12, 2021, file photo, an advertisement of Bitcoin, one of the cryptocurrencies, is displayed on a tram in Hong Kong. China’s biggest banks promised Monday, June 21, 2021, to refuse to help customers trade Bitcoin and other cryptocurrencies after the central bank said executives were told to step up enforcement of a government ban. (AP Photo/Kin Cheung, File)

(AP) – Banconan mas grandi di China a priminti ayera pa rechasa di yuda clientenan intercambia Bitcoin y otro criptomoneda despues cu banco central a bisa cu a duna instruccion na ehecutivonan pa reforsa cumplimento di un prohibicion di gobierno.

Reguladornan ta parce di preocupa cu a pesar di e prohibicion na 2013 riba banconan Chines y otro institucionnan manehando criptomoneda, e sistema financiero estatal por ta indirectamente exponi na riesgo.

Beijing tambe ta preocupa cu usuarionan por evadi esfuersonan pa monitor y controla e sistema financiero. E cuatro banconan comercial mayor propiedad di estado, y servicio di pago Alipay, a priminti di reforsa monitoreo di clientenan y blokea uso di nan cuenta pa cumpra of intercambia criptomoneda.

“Ta pidi clientenan pa ta mas consciente di riesgo, pa salvaguardia cuentanan dibanco y no usa transaccionnan relaciona cu moneda virtual”, China Construction Bank Ltd. a bisa riba su website.

Banco Industrial y Comercial di China Ltd.; Banco di China Ltd.; Banco Agricultural di China Ltf.; Postal Savings Bank of China Ltd; y Alipay, opera pa Ant Group, a haci promesanan similar.

Esnan cu ta promove criptomonedanan ta bisa cu nan ta permiti anonimato y flexibilidad, pero reguladornan Chines ta adverti cu esakinan por yuda den labamento di placa y otro crimen.

Ehecutivonan bancario a wordo invta na un reunion den cual a cuestiona nan riba nan actividadnan, y a bisa nan pa ‘mantene stabilidad y seguridad financiero’, segun e banco central a bisa den un declaracion.

A bisa cu intercambio di criptomoneda ta ‘afecta e orden economico y financiero normal’ y por facilita labamento di placa y otro crimen.

Reguladornan a reforsa prohibicionnan contra trato di criptomoneda na 2017 y publicamente a recorda banconan tocante e potencial riesgo di esaki na mei, posiblemente reflehando preocupacion cu mina y intercambio di criptomoneda ta continua.

Reguladornan den varios region Chines a ordena pa shut down operacionnan di mina criptomoneda.

Banco Central Chines ta desaroyando un version electronico di e yuan di e pais, cual Beijing por track y controla.

 

LEAVE A REPLY

Please enter your comment!
Please enter your name here