E barco di marina, esta Zr.Ms. Friesland, a para un boto 100 miyo noord di Colombia. Momento cu nan a keda descubri, e tripulantenan a cuminsa dehaci di nan cargo. Sinembargo marina a logra di pisca 1350 kilo di cocaina for di awa. E cargamento tabata mas o menos 2000 kilo total. Segun marina esaki ta e cantidad mas grandi cu un barco di marina Hulandes a confisca e aña aki.
E marina a traha hunto cu Customs and Border Patrol Mericano. Momento cu a spot e boto cerca Colombia e tripulantenan a purba di huy. E ora a manda helicopter pa forsa nan di para y a lansa tironan di advertencia. Pero ainda e boto no kier a stop. Momento ey marina a dicidi di tira riba e motornan y asina logra finalmente pa embarca. A pasa e droga y sospechosonan pe autoridadnan Mericano.
Esaki a bira di 4 biaha cu e barco Friesland a para traficacion di cantidad grandi di droga. Na november a confisca 830 kilo di cocaina riba dos boto. Fin di october a gara 440 kilo.
.jpg "FADA: Dificil pa papia di circulacion di droga Devils Breath")
.JPG "hopi cocaina, marihuana y placa efectivo den Irian Bar & Restaurant na Pos Chikito")
