hopi cocaina, marihuana y placa efectivo den Irian Bar & Restaurant na Pos Chikito

Despues cu tip tabata drenta di tur banda, diaranson mainta, hunto cu un apoderacion di Hues Comisario pa drenta e cas, Recherchenan di Departamento di Crimen Organisa a drenta Pos Chikito # 45 hunto cu e restaurant conoci bou di e nomber di Irian Restaurant cu ta pega na dicho cas. Ey Polis a detene e habitantenan, X.E.N.J. naci na Colombia dia 2 di augustus 1969 y C.C. naci na Colombia dia 30 di maart 1974. A detene ambos, sospecha di a viola articulo 3 y 4 di nos ley di droga.

Den e frigidaire di Irian Restaurant a bin topa Marihuana, mientras cu den e cas situa den banda, tabatin un freezer cu 3 saco di sushi preto grandi yena cu Marihuana. Riba e sofa den e cas tambe a topa dos saco ziplock, tambe conteniendo Marihuana. Den bahul di e auto a-54140 a topa cu 12 bloki di kilo di cocaina. Bou sienta di e chauffeur tambe a haya dos foambox di cuminda cu den dje un bloki di kilo di cocaina. Tambe un tas mas den e auto cu cocaina aden.

Mirando e cantidad di droga cu a descubri den e auto, a opta mesora pa tuma e auto den beslag pa mas investigacion. Tanto den e restaurant como den e cas, Recherchenan a topa cu un suma considerabel di placa, cu a keda den beslag.

Informacion: Comunicado KPA