Cu gran atencion PPA ta sigui e discusion  riba e.o. e cambio riba e kwitantie di tal forma cu no ta visibel mas cu BBO etc. ta wordo paga. 

Nos a tuma nota  cu representantenan di comercio cu tur respet pa nan ta splica cu nunca e ‘omzetbelasting’  esta BBO etc. no tabata algo cu nan como comerciante lo mester paga pero cu ta un gasto cu nan mester cobra e pueblo esta e consumidor. 

Si nos sali un rato for di e punto di salida cu nan tin rason…..anto analisando e problematica algun pregunta hopi interesante ta bin padilanti.

Pasobra ta e consumidor esta ‘Bouchi Juan y Shi Maria’ esta pueblo ta pagando e asina yama BBO etc.!

E comerciante segun nan ta un ‘doorgeefluik’ !!

Si esaki ta berdad anto PPA   NO ta comprende di con anto tin regla den e  ley cu si acaso na final di aña e comerciante tin ‘winstbelasting’  cu e BBO etc. cu el a pasa como un ‘doorgeefluik’ na Gobierno/Ontvanger der Belasting diripiente ta bira propiedad di e comerciante pasobra e ta wordo des kita di su Winstbelasting cu e comerciante mester paga.

Cu otro palabra e pueblo/Bouchi Juan y Shimaria ta wordo ‘geschroef’ di tur banda y e comerciante tin beneficio si caso e tin ganashi na final di aña.

Who is fooling who….kende ta ganando awor  ??

PPA ta sinti cu mientras cu tin un discusion tumando logra masha poco representante di pueblo den parlamento ta expresa nan mes riba e materia aki. ….PPA ta ripiti masha poco pasobra algun si ta expresa nan mes.

PPA ta considera cu mester bin claridad riba e topico aki !!

Gobierno y parlamento mester clarifica pa pueblo ta kende realmente mester paga e  ‘omzetbelasting’/ bbo etc. aki ??

Si ta comerciante  of ta pueblo ’Bouchi Juan y Shi Maria??

Si acaso ta ‘pueblo esta ‘Bouchi Juan y Shi Maria’ lo mester continua pagele anto mester regla den e ley un deber pa e comerciante/negoshi pa uza un kwitantie di calidad  uno cu e cifranan no ta kita di djele  despues di algun siman.

Esaki pa  ‘Bouchi Juan y Shi Maria’ por  spaar nan pago haci na BBO etc. y pa nan na nan turno haya e derecho di kitele for di e eventual ‘inkomstenbelasting’ cu nan debe gobierno fin di aña !!

Si resulta cu ta e comerciante debe  ‘omzetbelasting’ anto regla un forma cu  pueblo/bouchi Juan y ShiMaria No tin nodo di pagele establece un control pa evita esaki anto e ora ey por continua pa kita  BBO etc. paga door di comercio na gobierno for di e eventual ganashi cu un negoshi of comerciante por tin na final di aña.

PPA  tin respet pa nos pueblo  y pa nos comercio den su totalidad y nos ta di opinion cu ta gobierno y parlamento ta esun cu tin e deber pa ora cu Leynan wordo pasa of adapta pa tin claridad den ehecucion di e Ley aki.  Si acaso den pasado tabata cierto eror ….anto lo mester mira con pa evita e erornan aki sigui ripiti den futuro.

Un bes mas PPA ta haci un apelacion riba  nos Ministro Presidente Evelyn Wever Croes y Ministro di Finanzas sra. Xiomara Ruiz Maduro pa clarifica e problematica aki debidamente.

Na mes momento PPA ta haci un apelacion riba  parlamento di Aruba pa analisa e eventual splicacion  di nos gobernante den contexto di e leynan actual y declara na pueblo  si e splicacion di nos gobernantenan ta corecto si of no. esaki den contexto di e tarea di ‘controle’ cu tanto e parlamento aki ta gaba pero no ta duna contenido real.

PPA ta keda pendiente di e aclaracion di parti di nos gobernantenan !!

 

LEAVE A REPLY

Please enter your comment!
Please enter your name here