Poco poco e seriedad di e situacion crea pa tanto e mal gobernacion, mega debe y riba dje e coronavirus a causa. Na su luga a dedica hopi atencion na e aspecto di salud publico pero poco poco e aspecto di nos futuro economico ta pidi atencion. Un cos e coronavirus a siña nos ta cu Aruba no por keda depende solamente riba un pilar economico pero manera PPA a accentua pa añanan cu nos mester ‘diversifica’ nos economia.

Na prome luga lo mester yega na un vision unda ta desea di hiba Aruba den futuro? PPA ta kere den haci Aruba un HUB den Caribe esta un ‘player’ mas importante riba diferente tereno. E pregunta clave ta kico nos por spera di nos industria di Turismo den futuro cercano y con y na unda nos por inverti den cierto desaroyo cu e meta pa ‘diversifica’ nos economia.

Reactiva nos turismo!
Apesar cu reactiva nos turismo no ta depende totalmente di Aruba pero di desaroyo di aviacion internacional specialmente e Mercado norte Americano esta Merca y Canada PPA ta kere fielmente cu dentro di algun luna lo por nota e reapertura di e frontera di tanto Merca como Canada.

PPA tin confianza den nos producto turistico su nomber/imagen den e mercado Norte Americano cu esaki lo logra inicia dentro di un periodo cortico despues cu e mercadonan habri frontera y aviacion reanuda nan servicio!

Otro aspecto positivo cu PPA ta kere den ta nos ‘Time share Industry ’ cu ta encera cu un 35% di turista cu tabata bishita Aruba ta doño di nan camber di hotel (pa algun siman anualmente!) una bes cu confianza regresa den aviacion internacional un parti substancial di esnan doño di nan habitacion na Aruba lo scoge pa bishita nan destinacion esta Aruba.

Un aspecto cu PPA ta mira cu lo por afecta Aruba su desaroyo negativamente ta si lo desaroya un guera civil o militar pa zuid di nos pasobra esey si lo pone cu hopi den e Mercado Norte Americano lo no opta pa iha direccion Caribe zuid por lo pronto. Ban spera cu no.

Si no tin e desaroyo di un guera civil PPA tin hopi confianza cu nos producto turistico guia pa un mercadeo strategico lo logra stimula y reactiva nos industria turistico! Naturalmente guia pa cierto cantidad di protocol pa e asina yama ‘new normal’.

Mientras tanto maneho di gobierno lo mester keda dirigi riba ‘eleva e producto turistico’ di Aruba ‘to a higher level’. PPA ta keda di opinion cu inversion den ‘Health & Wellness Toursim esta turismo medico lo duna Aruba un ‘competitive edge y lo crea cupo di balor den e dos sectornan aki e.o. PPA ta ripiti un bes mas cu nos futuro ta sinta den e palabra ‘diversifica’ di tanto nos producto turistico y nos servicio na e turista como diversificacion di nos economia!

Diversifica nos economia cu wowo dirigi pa Aruba bira un hub den Caribe!
No kabe duda cu den nos sociedad NO tin un opinion comun o vision den ki direccion nos pais lo mester bay pa diversifica nos economia.

Tin cu ta pensa den haci un esfuerso pa reactiva e locual tabata e refineria un tempo mientras cu otro ta pensa den parti esaki den e.o. bunkering, trans-shipment etc.

Uso optimal di nos haf di San Nicolas!
PPA ta kere fielmente cu mester busca nos futuro aki den con nos ta usa nos haf natural di San Nicolas mas optimal den futuro.

Manera ta conoci PPA a propone pa purba crea ‘ Shipbuilding & Shiperservices’ pero tambe den un Container ’HUB regional-International, bunkering y trans-shipment pa no lubida un apertura di San Nicolas comercial pa su haf natural, posibel desaroyo di cruise-tourism y un desaroyo di ‘yacht-tourism’. Pa logra esaki PPA ta mira lo siguiente necesario:

  • Optimalisa e rol di nos aeropuerto pa sirbi como HUB pa tanto pasahero como freight!
  • Mehora e rol ‘strategico’ di e hafnan di Aruba:

– Oranjestad dirigi riba ‘cruise tourism’.

– Barcadera como haf pa sirbi Mercado di Aruba grandemente y

desaroyo di un Free Zone y un area comercial.

– San Nicolas como un haf ‘diversifica’ pero pa sirbi e.o. region di

Caribe y Sur America como Container HUB.

  • Analisa e rol y balor agrega si Aruba contribui na sirbi Internacional Trade door di permiti inversion den un World Trade & Convention Center.
  • Analisa e posibel rol y impacto si permiti un Centro di Informacion /regional dunando noticia y informacion diario di tur Isla den Caribe for di Aruba tanto Television, Radial y desaroyo riba Internet/facebook etc. ! ‘Trasmitting from the Island of Aruba…..etc.’…
  • Inverti den expansion di e sitionan disponibel den haf pa nos ‘Cruise Tourism’ expande esaki cu p.e. 3 sitio minimal.!
  • Pa locual ta trata eleva ‘Oranjestad nos capital’ PPA ta kere den evalua pa haci Oranjestad nos ‘Fashion City’ stimulando inversion di presencia di cierto nomber internacional cu kisas ta na Aruba pero stimula nan interes den inverti den negoshinan grandi den caya Gilbert F. Betico Croes/Cay grandi y vecindario. Presencia di un cantidad asina lo duna Oranjesta un ‘balor agrega’ ….Oranjestad Our Capital Our Fashion City!!
  • Inverti den desaroyo di ‘San Nicolas Our Caribbean Town’ y stimula nos historia di San Nicolas mas.
  • Tambe PPA ta kere den ‘Education Free Zone or Knowledge Center’ na unda ta stimula pa sea diferente Universidad pero tambe companianan cu ta sirbi necesidad di Enseñansa den Caribe etc. establece nan mes na Aruba den e Free Zone aki creando un Knowledge Center cu entradanan halto y un presencia di ‘knowledge’ riba nos Isla den futuro. (Valor agrega!)
  • PPA ta kere tambe den crea un ‘Flota di barco pa piscamento/vissersvloot ’ den awanan internacional cu despues di zorg cu e Mercado local tin locual e mester exporta pisca etc. for di Aruba pa exterior creando sitio pa limpieza y paketamento etc..

PPA ta comprende cu guia desaroyo di nos economia dentro di e crisis financiero economico combina cu coronavirus no ta algo facil.

Pero tur cos ta inicia segun PPA cu e vision unda nos kier hiba Aruba?

Ki calidad di trabou nos kier crea cu por ofrece nos localnan na prome luga un trabou cu entrada di mas nivel pero tambe ‘diversifica’.

Y den e cuadra aki PPA ta keda presenta nos vision pa haci Aruba un HUB den Caribe esta un ‘player economico’ mas importante.

Nos lo bin bek riba e materia aki debidamente!

PPA kier accentua cu tur desaroyo lo mester tuma luga cu un bista critico riba nos Mercado laboral. Esta cuanto trahado nos Mercado tin y lo produci cada 5 aña etc.!!!

 

LEAVE A REPLY

Please enter your comment!
Please enter your name here