Parlamentario Michael Lampe (AVP): ‘Mester crea un destinacion unda experiencia cultural ta e atraccion principal’

ORANJESTAD – Miembro di parlamento pa partido AVP, Michael Lampe, a expresa su preocupacion relaciona cu binimento di un otro proyecto hotelero. Lampe a accentua cu ta hopi importante pa corda cu como pais bo mester tin bo identidad y cultura cu ta balornan grandi, no solamente pa nos, pero pa e turistanan tambe. Nos bishitantenan ta en busca di e experiencia cultural aki cu nos mester tene na cuenta. Nan kier conoce mas di e Isla, mas di e cultura y e autenticidad cu nos tin pa ofrece.

Solucion no ta pa bin cu mas hotel grandi! Na momento di anuncia un proyecto di hotel all inclusive asina aki, e Minister di Infrastructura mester tene na cuenta e area asina importante di naturalesa cu e ta bay na inversionistanan internacional. Minister Otmar Oduber mester por sa cu e mester respeta medio ambiente, pensando con pa desaroya esaki, na luga di djis yega haci locual e kier pa asina facilita un hotel mas riba nos isla.

Ta importante pa sinta y brinda San Nicolas e ayudo di por desaroya su mes, reteniendo su identidad. Teniendo e comunidad na cuenta y su experiencia cultural rico cu nan ta posee. San Nicolas ta un area di gran beyesa, un diamanta den locual ta identidad y cultura. “Nos no mester comete e eror di desaroya cantidad grandi di hotel causando daño na medio ambiente y mas ainda un efecto negativo na e experiencia cultural di nos isla”, di acuerdo cu parlamentario Lampe.

Na final e miembro di parlamento a cuestiona si enberdad e solucion sostenibel ta pa bin cu mas hotel. Ta hopi ta esunnan preocupa y esey ta conta pa partido AVP tambe, e parti medio ambiente sigur tumando na cuenta tur e desaroyonan anterior pa locual ta trata e sector hotelero como tambe e areanan caminda nan ta situa.

No por keda sin menciona tambe cu Centrale Bank a indica cu turismo ta stagna, yegando un punto cu lo no bay na un siguiente nivel mas. Mas hotel no necesariamente kiermen mas turista y esey ta bisto. “San Nicolas mester di stimulacion economico y mas cu claro nos ta sostene esaki pero den pensamento diferente con pa yega miho na esaki”, asina e miembro di parlamento a termina bisando.

You May Also Like

Parlamentario encarcela despues di duna sla den parlamento

E parlamentario Jacintha Constancia di partido MFK ta cera pa motibo cu el a duna ...

“Momento historico pa Aruba cu ley di creche pa cuido di muchanan”

  Parlamento siman pasa, a  trata ‘ontwerp landsverordening kinderopvang y olv van het begroting ...

‘Gobierno di coalicion cerca di entrega autonomia financiero na Hulanda’

Autonomia financiero di pais Aruba, lo wordo entrega na Hulanda pa haya placa fia ...