Benny Nisbet (PPA): ‘Falta hopi informacion rond di e 180 miyon dollar cu lo a disparce’

ORANJESTAD – E informacion di  Ministro Presidente Evelyne Wever Croes cu $.  180 miyon dollar (cu ta f. 324 miyon florin) destina pa Citgo Aruba NV   lo a disparce a sacudi e comunidad di Aruba.

Sabiendo cu cientos di trahado a perde trabou y cu e futuro Upgrader lo ta casi nihil un declaracion asina merece mas informacion al respect0

Falta hopi informacion  pa cu e declaracion di Ministro Presidente  Wever Croes p’esey algun pregunta publico al respect:

  1. E  fondo aki a wordo manda pa  Citgo Aruba NV door di kende……Citgo petroleum of pdvsa  of banconan di cual nan por a haci un prestamo?
  2. E fondo aki a drenta Aruba esta  e accountnan di Citgo Aruba NV of e fondo aki nunca a yega Aruba ?
  3. Y si e No a yega Aruba ….pa unda e fondo aki a wordo manda  ?
  4. Si el a yega Aruba ….con bin un suma grandi asina por disparce pa hopi tempo asina ?
  5. Den pasado cierto momento  e gerencia di Citgo Aruba NV a wordo kita y un gerencia nobo a wordo apunta door di PDVSA  holding doño di Aruba NV y aparentemente miembronan di e gerencia di Citgo Aruba NV y di otro companianan den exterior a wordo yama pa Venezuela pa reunion cu gobierno Venezolano na unda nan a wordo aresta…………….Esaki por tin algo di haber cu e desaparicion di e suma gigantesco aki ??
  6. Ora ministro presidente Wever Croes declara cu e ta spera cu e desaparicion aki lo No tin nada di haber cu x Ministronan di e gobierno Eman anterior …kico ministro presidente  realmente kiermen?? Tin mas informacion cu ministro presidente pa un of otro motibo no kier publica ainda ??
  7. Nos a comprende cu un miembro di parlamento Hulandes(Bosman)  lo a puntra of sugeri na ministro presidente Wever Croes ….Pakico no a haci keho na ministerio publico ainda ??
  8. Un bes mas e desaparicion aki di un suma asina grandi a tuma luga of di Aruba esta Citgo Aruba NV of el a disparce prome cu el a yega Aruba ??

PPA ta sinti cu mas informacion mester wordo duna na pueblo.

Fuera di esey PPA ta hay’e hopi straño cu ningun miembro di parlamento di Aruba NO a bula den haciendo preguntanan oficial na gobierno di Aruba/Ministro Presidente .

Hopi straño cu parlamento ta den un silencio riba un suma grandi asina  cu lo a disparce sea na Aruba of na caminda pa Aruba esta Citgo Aruba NV.

  1. Y kico e informacion aki ta nifica pa e futuro Upgrader esta Citgo Aruba NV ????
  2. Cuanto trahado a perde nan trabou pa motibo di e desaparicion di e suma di $. 180 miyon dollar ( esta 324 miyon florin)  y cuanto mas lo perde trabou segun gobierno di Aruba ??

PPA ta di opinion cu unabes ministro presidente Evelyne Wever Croes a declara A lo e mester declara B tambe relaciona cu e desaparicion di un suma asina grandi. Pueblo tin derecho riba mas informacion al respecto. Finalisando e declaracion cu e pregunta mayor: di con nos parlamento ta den un silencio hermetico al respecto ??

 

You May Also Like

Integridad pa lider di MEP ta staciona auto sin paga mientras cu pueblo si ta paga

  Parlamento a aproba e iniciativa di ley presenta pa e lider di fraccion ...

Oracion na Kapel di Madiki pa Marko Espinoza

Durante servicio di Misa na Kapel di Madiki Diasabra anochi, un multitud grandi di ...

‘Danki Aruba pa sostene nos artista internacional Jeon!’

Diaranson anochi un publico grandi a presenta dilanti Bestuurskantoor pa duna Jeon un bon ...

Edu Vos ta bira candidato riba lista di AVP

Diadomingo AVP a presenta Eduard Salomon “Edu” Vos como candidadto nobo riba lista. Eduard ...