Parlamentario Endy Croes (MEP): ‘Mike Eman dunando instruccion na e ‘mafioso’ Silvio Janga, voorzitter di Lotto, prome cu manifestacion’

ORANJESTAD – Parlamentario Endy Croes a expresa su preocupacion mas y mas tocante e manera di maniobra di esunnan encarga cu Lotto pa Deporte. Lotto pa Deporte ta un caos total y investigacion mester bin, pase loke pase.

Directiva ta uno impopular, kendenan a coopera cu corupcion y fraude den Lotto. Directiva aki awe ta encabesa pa Silvio Janga, un pensionado intimo amigo di Mike Eman. Riba e foto adhunto, nos por mira con Janga, kende tabata na Cas di Cultura diahuebs dia 11 di april anochi, esta un dia prome cu manifestacion ‘fracasa’ di AVP, y claramente por mira Eman dunando instruccion na Janga den compania di Tony Geerman (esun cu bril para patras). Asina Mike Eman ta manipula, y ken sa cu e tambe ta ricibi fondonan di Lotto?

Deshonesto y inconfiabel
Silvio Janga ta un persona deshonesto y no confiabel, y a coopera na diferente manera pa hopi fondo di Lotto bay den man di amigonan priva. Na abogadonan amigo di AVP so, den aña 2010 y 2011 a bay mas di 1 miyon florin di placa di nos deportistanan, y na investigacion un otro 1.5 miyon florin. Janga a coopera pa Arnold Le Grand y Aron Antersijn ricibi miles y miles di florin, sacando fondonan di Lotto na un manera inhusto. Companianan IT Pro NV y entre otro Secunet di Antersijn mester wordo investiga profundamente. Benvinda Da Sousa, casa di Desiree Croes di AVP, den luna di maart 2019 a entrega su retiro. Ora cu un abogado, kende tambe a probecha masha hopi di fondonan di Lotto, bula for di e barco, e djacanan cu a keda atras percura pa boso ta bon prepara.

Politica sushi di Mike Eman
Eman e anochi prome cu manifestacion claramente proba dunando instruccion na Presidente di Raad van Commissarisen di Lotto. Esakinan ta hendenan cu a core cambia statuut di Lotto despues di eleccion, esta dia 17 di october 2017, despues cu nan a sinta 8 aña caba, y a hera manda Lotto bancarota, y awor kier persisti pa keda sinta. Tristo ta cu tanto e statuut anterior y e statuut nobo ta ilustra claramente cu un miembro di bestuur no por sinta mas cu 2 periodo di 4 aña, esta un total di 8 aña. E sinberguensanan aki sinembargo a cambia e Statuut, y a cuminsa conta di nobo pa nan por bay 8 aña mas. Tur esaki ta impugna cu ambos statuut. Pueblo, husga pa boso mes e grado di politica sushi cu Eman su mes ta hungando, y un grupo di persona sin escrupulo y sin amor pa deporte ta cooperando cu Eman na un manera masha desformal, estilo di haragannan sin fin.

 

You May Also Like

Parlamentario Mike de Meza(MEP): Prome Minister ta bon na altura di retiro di directornan di companianan

ORANJESTAD – Gabinete MEP-POR-RED tin un maneho di persecucion politico, implementa medida contra pueblo ...

No laga esunnan cu a kita democracia di pueblo, gana atrobe!

E observacion ‘Manera partido ABO ta ocupa e puesto mas abou riba e lista ...

‘Economia y bo bienestar? Haya sa con abo tambe por beneficia di esaki!’

Den e ultimo 100 aña, Aruba su economia a conoce desaroyonan grandi, destacando su ...

Partido MEP na Mike Eman: ‘Cannabis recreacional no ta punto di agenda’

Tratamento den parlamento di presupuesto di pais Aruba ta algo serio. Pero un biaha ...

Pa prome bes presidencia di Parlamento ta den man di dos funcionario policial”

Diabierna dia 17 di November 2017 tabata un dia masha particular pa Pais Aruba. ...