PPA a tuma nota di e conflicto entre  Gabinete Wever Croes y Cuerpo di Aduana  pa locual ta trata ehecucion di un acuerdo haci entre gobierno anterior y Aduana den pasado recien unda gobierno a bay di acuerdo pa paga ‘indexering’ na e ambtenaarnan aki y awor gobierno ta nenga di cumpli cu e acuerdo. 

Realidad di bida ta cu Gobierno tin continuidad a pesar cu gobierno por a cambia di constelacion politico.

Ta un realidad cu pais Aruba ta pasando den un situacion financiero dificil a consecuencia di e asina yama ‘Mega debe’ cu lo bay afecta Aruba pa e proximo 25 pa 30 aña.

Cual ta nifica cu na momento cu trahado en general (no ambtenaar so !) acepta cu lo no tin ‘indexerering’ a consecuencia di ‘inflacion’ esaki lo nifica un atraso di nan salario esta  e ‘forsa di compra’ cu nan salario por tin den futuro.

PPA ta reconoce cu ta derecho di trahado (no ambtenaar so !) pa lucha pa nan haya ‘indexering’ paga  pa e motibo aki a crea Ley cu ta pone cu despues di un procedura legal trahado por uni den of tras di un sindicato cu lo representa nan pa negocia  e pago di nan derechonan.

E grito  cu PPA ta tende cu  tin un crisis financiero y p’esey trahado den e caso aki ambtenaar lo mester acepta cu nan lo NO  haya ‘indexering’ tin consecuencia grandi y catastrofal pa e clase trahado.

Imagina bo mes cu esey lo por nifica cu si e crisis financiero cu Aruba ta den keda pa entre 25 pa 30 aña esaki lo por nifica cu trahado (ambtenaar of no) lo no ricibi ‘indexering’ pa e periodo aki !.

Si nos tuma p.e. cu  durante 30 aña e ‘inflacion’ lo por ta un averahe di 2% esey lo nifica cu nan forsa di compra lo baha entre 50 pa 60%, cual ta nifica cu cierto momento un  papel di f. 100,00 cierto momento lo por cumpra solamente locual f. 50,00 of f 40,00 ta cumpra den futuro !!

PPA ta accentua e no ta facil pa atende e problematica aki y no ta intencion di PPA pa instiga ningun sindicato ni trahado pero pasobra den pasado PPA tabata e unico organisacion politico pa mustra riba e importancia di e materia aki PPA ta considera cu ta e momento pa trece e problematica general padilanti.

E conflicto entre Gobierno y sindicato di Aduana nos ta laga pa representacion  sindical y di gobierno di cada uno atende na mesa manera debe ser !!

Esey ta democracia y respet pa clase trahado……..Exito na ambos!!

Pobreza na Aruba ?

Aruba tin un pobreza tin biaha hopi visibel y tin bes scondi….pero  pobreza tey pa decadanan y no ta wordo atendi debidamente.

Na aña 2003 parlamento di Aruba a pidi ILO pa haci un estudio riba e problematico social riba nos Isla.

Na aña 2005 ILO a entrega Aruba un rapport  cu nunca no a ricibi e atencion completo y debido durante 14 aña cu a pasa.

Ta hopi straño cu gobernacion  cu ta yama nan mes ‘Christian democrata’ y ‘Social democrata  no a dedica atencion na e problematica aki y na e proposicionnan cu ILO a haci na parlamento y gobierno di Aruba for di 2005 padilanti.

Na prome luga ILO a splica cu  Aruba ta un pais ‘ Cu ta crea pobreza y ta mantene pobreza’ algo cu mester a haci  ‘wenkbrauw’ di hopi frons.

ILO a splica cu mientras  e actual sistema cu Aruba tin ta uza esta e CPI system Consumer Price Index den curso di añanan a señala cu tabata tin ‘Inflacion’ añanan largo cu cierto aña  NO a paga ningun ‘indexering’ y cierto aña a paga ‘ indexering parcial’. ILO a señala cu esaki a crea un situacion unda e ‘forsa di compra’ di e clase trahado a bay seriamente atras.

ILO a splica cu esaki tambe tin di haber cu e sistema cu Aruba ta uza esta e C.P.I system cu lo no ta e miho sistema pa un economia di un isla chikito.

ILO a propone na gobierno/parlamento di Aruba pa tene un evaluacion critico di e sistema di CPI(Consumer Price Index versus sistema di NAWI (National Average Wage Index!) cual sistema segun ILO lo resulta miho pa e clase trahado y lo frena e desaroyo di pobreza riba nos isla.

E sistema di NAWI ta garantisa cu anualmente of periodicamente  inflacion ta wordo paga como Indexering. Tambe ILO ta splica cu den e sistema di ILO(actual)  un parti grandi di nos pueblo trahado no ta ricibi un parti di e progreso economico di nos pais ora cu tin e progreso real aki!! Simplemente nan ta ricibi un parti di  e inflacion como indexering y no ta participa den e progreso economico. Cu otro palabra e progreso economico ta wordo reparti solamente den un grupo chikito di nos pais.

E gruponan cu ta cay grandemente bou di e situacion negativo aki ta e.o.  nos pensionadonan(AOV), nos hende cu ta cobra salario minimo, esunnan cu ta cobra onderstand/bijstand etc.… Tur ta depende na grandi di un aumento di nan pensioen, salario minimo, onderstand den curso di tempo pa medio di indexering.

Ora esaki NO tuma luga  e ta nifica cu nan ‘forsa di compra’ ta bay atras formalmente…….aki ta unda pobreza ta bati na porta di hopi trahado.  Nan entrada no ta yega pa cumpli cu nan necesidadnan.

Mientras tanto NI bou di gobierno di signatura di MEP(Social demcrata) Ni bou di gobierno di signatura di AVP (Christian democrata) nunca e  proposicion aki den rapport di ILO 2005 no a wordo Ni realmente discuti corda pa e wordo ehecuta.

Si analisa den curso di tempo p.e. ultimo 25 aña cuanto bes tabata tin ‘inflacion’ serio señala y cuanto bes realmente a paga ‘indexering’ por conclui con e salario di e ‘forsa di compra’ di e clase trahado mas humilde den nos sociedad a bay seriamente atras. Pa no papia mes di e hecho cu nunca nos ta ripiti nunca e gruponan aki no a forma parti di  of no a ricibi un parti di progreso Nacional di pais Aruba.

Unabes  cu e topico di ‘indexering’ si of no di nos Aduana/ambtenaar ta den discusion cual por cierto tin un acuerdo entre gobierno y nan cu e lo wordo paga ….PPA ta sinti un bes mas nos deber di señala cu e topico aki mester wordo discuti seriamente dentro di nos sociedad.

Tambe PPA lo cita for di un conseho di un comision di gobierno e tempo ey a formula:

‘ In het bijzonder wijst de ILO erop dat,  gezien het karakter van de in principe gelijke AOV uitkering voor iedereen, een indexering van het minimumloon en de daaraan gekoppelde AOV uitkering, op basis van de consumentenprijsindex, ofwel de CPI  change, op de lange duur tot armoede leidt(pag. 32).

Hieruit volgt dat de premieloongrens, het minimumloon en de AOV uitkeringen regelmatig, conform het gemiddelde nationale loon, geindexeerd dienen te worden’

ILO a propone  segun e comision di experto e.o.:

‘ Invoeren van een systeem van jaarlijkse indexering van de loongrens,

het minimumloon en daarmee samenhangend de AOV uitkeringen volgens de groei van het gemiddeld nationaal loon(NAWI) en NIET de prijs consumptie-index(lees CPI change).

Deze stap dient voor het verkrijgen van een welvaartsvast pensioen die armoede onder de gepensioneerden in de toekomst zal moeten voorkomen.

Aruba ta 14 aña despues y NI e discusion a tuma luga corda un posibel cambio di CPI pa NAWI…..!

Consecuentemente nos  Aruba a sigui crea y mantene pobreza riba nos isla !

PPA ta  ripiti nos peticion haci varios bes,  a bira tempo pa discuti e proposicion di rapport ILO pa locual ta trata  ‘Kico ta crea y mantene pobreza riba nos Isla ‘debidamente.

 

LEAVE A REPLY

Please enter your comment!
Please enter your name here