Un di e topico mas discuti ultimo siman  riba ‘social media’ pero tambe riba caya den pueblo  ta e tantisimo temblor rond mundo pero tambe den nos region y e posibilidad di un of mas Tsunami.

Mi a ricibi  hopi pregunta y remarca.

‘Sr. Nisbet ….Kico nos mester haci si encaso tin un Tsunami na caminda?

Nos a tende e  director di ‘Rampenbureau’ splica cu cada famia lo mester tin un plan prepara  pero kico ta e plan ‘nacional’ di gobierno ? ….Unda nos lo mester bay? Hopi den pueblo No tin un cas cu piso esta mas halto?

Con bo ta ehecuta e plan di famia si un Tsunami bin den siman  ora e famia ta

‘gesplit’  mayornan na trabou, yiunan na scol etc. ??

Y kico pa haci si den marduga ora pueblo ta drumi diripiente tin un Tsunami na caminda ? Con gobierno lo informa pueblo  den un caso asina?

Unda nos pueblo mester bay si encaso tin un Tsunami na caminda?

Con pueblo ta wordo informa oficialmente cu tin un Tsunami na caminda ?

Si acaso un Tsunami ta na caminda den dia lo tin un chaos pa busca yiunan na scol y despues dirigi pa un caminda mas halto/mas sigur e careteranan lo ta blokia di auto etc. Con nos lo haci ?’

Y asina mi por sigui ripiti e preguntanan di pueblo na mi persona demostrando e preocupacion cu tin den nos pueblo awo cu tin tantisimo temblor den mundo pero mas ainda den nos region Caribense tambe.

Nos di PPA tambe a tuma nota di algun declaracion oficial di autoridad riba e materia  aki esta cu un informe lo drenta na Meteo cu lo informa Rampenbureaucu tin un Tsunami na caminda  y nan lo ejecuta un plan cu ta encera activa 32 instancia inmediatamente.

Esaki ta zona bon pero e pregunta principal ta:

  1. Con ta informa pueblo cu tin un Tsunami na caminda specialmente si e Tsunami  ta biniendo den oranan di marduga ora henter nos pueblo ta drumi ?
  2. For di informacion cu PPA tin cierto momento lo por tin un Tsunami na caminda cu lo por yega dentro di 30 minuut(mei ora) y cierto momento lo por tin un Tsunami na caminda cu lo por yega den  1 ora y algun minuut .Awor ta tuma algun minuut pa Meteo wordo informa y pa esaki pasa e informacion pa Rampenbureau cu lo bay activa e 32 grupo aki pero nos pregunta ta keda …Con nos pueblo lo wordo informa specialmente si ta trata den ‘oranan di marduga ?
  3. Logica ta bisa cu nos pueblo lo mester busca un sitio mas halto y mas sigur pa permanece .

Na 2009 ora Corsou a sinti sacudimento leve nan a bay dedica atencion na e problematica a laga traha un rapport(2010) y consecuentemente a laga traha un  Ley cu ta regla cierto punto di salida cu a wordo oficialisa na 2011. Den pasado PPA a referi na e necesidad aki pero mientras tanto a pasa varios aña y ainda Aruba no tin mucho oficialisa.

Meta di e articulo aki ta pa mustra riba e necesidad pa gobierno prepara nos pueblo  miho riba e problematica aki.

PPA lo kier a conclui e articulo aki haciendo algun proposicion al respecto:

  1. Na Hulanda por e ehempel  tin un sirena oficial instala for di aña 1952 cu a wordo modernisa na 1998: ‘Het oude alarm van de Bescherming Bevolking is officieel  vervangen door nieuwe elektronische sirene’s die voortaan onhoorbaar worden getest…maar een keer per jaar klinkt een landelijk oefenalarm op de eerste woensdag van juni om 12.00 uur; 

‘PPA ta propone pa  nos gobierno tambe laga instala un sistema di sirena rond di nos Isla cu lo wordo usa na momento cu tin un ‘Tsunami’ na caminda of cualkier otro peliger.

Nos ta haci e proposicion aki specialmente pa cubri  e hecho cu un Tsunami lo por ta na caminda den oranan di marduga ora pueblo ta drumi y lo por wordo sorprendi riba nan cama.

PPA ta propone pa regla legalmente cu un sirena por wordo poni riba tur mast cu tin riba nos Isla pa Telecomunicacion etc.

  1. PPA ta propone na gobierno pa oficialisa  un Mapa di nos Isla cu e haltura di cada districto versus  haltura di lama (sea-level) y un indicacion oficial na unda pueblo lo mester dirigi su mes  ora cu tin un Tsunami etc. na caminda !
  2. Tuma nota cu un MAPA oficial asina tin su beneficio no solamente ora di un Tsunami, pero tambe ora cu nos confronta  ‘Climate Change y Rising Sea Waters’ y  tambe  horcan excepcional cu ‘sea surge’ !
  3. Tambe PPA ta propone pa indica cua edificio(nan) di gobierno cu tin cierto haltura lo por sirbi como ‘sitio pa acomoda e pueblo’ den caso di urgencia.

Anotacion: PPA kier ta masha cla cu esaki ningun momento nos intencion ta pa crea panico den nos pueblo pa cu posibel Tsunami’s den futuro. E unico intencion ta pa conscientisa y stimula nos gobierno, nos parlamento y mas autoridad pa dedica mas atencion na prepara  nos pueblo cu mas informacion pa eventual calamidad den futuro cu atencion special pa Tsunamy y rising sea waters etc.

 

LEAVE A REPLY

Please enter your comment!
Please enter your name here