(AP) – E servicio online dirigi na salud mental BetterHelp a keda di acuerdo pa debolbe 7.8 miyon dollar na clientenan pa yega un areglo cu Federal Trade Commission pa motibo cu nan a comparti data cu nan a priminti lo permanece priva.

E data aki ta trata di informacion tocante e salud mental y desafionan di salud mental cu cierto clientenan tin of ta pasa aden cu companianan manera Facebook y Snapchat. E orden proponi di FTC cu a anuncia diahuebs tambe ta limita con e compania basa na California por comparti data di clientenan den futuro.

Samuel Levine, director di FTC su Bureau of Consumer Protection a bisa cu BetterHelp a traiciona e clientenan su informacion di salud mas personal pa genera mas ganashi. ā€œOra cu un persona cu ta lidiando cu problemanan di salud mental ta acerca pa ayudo, nan ta haci esaki den un momento di vulnerabilidad y cu un expectativa cu un servicio di profesionalnan lo proteha nan privacidad,ā€ Levine a bisa den un declaracion. Levine a yama e proposicion ā€œun recordatorio cu FTC lo duna prioridad na defende Mericanonan su data sensitivo di explotacion ilegal.ā€

E accion aki ta bini despues di un accion similar den february unda proveedor di medicamento y servicio di salud via telefon GoodRx Holdings a ricibi un castigo di 1.7 miyon dollar pa motibo cu a comparti e usuarionan su data personal cu Facebook, Google y otro tercer partidonan sin e consentimento di e clientenan.

FTC a laga cla cu nan intencion ta di combati e trafico di data sensitivo conduci pa negoshinan cu no ta clasifica estrictamente como proveedornan di cuido di salud y pa motibo aki no ta cubri pa HIPAA, e reglanan di privacidad federal cu ta goberna e industria di cuido di salud.

BetterHelp ta provee servicio online di manera similar na terapia, unda cu ta duna servicionan dirigi na Cristiannan, hobennan y e comunidad LGBTQ. Clientenan cu ta interesa den nan servicio ta yena un cuestionario cu ta pidi informacion sensitivo di salud mental manera si nan a experiencia pensamentonan suicida y si nan ta tumando algun medicamento actualmente. Despues, nan ta ricibi un profesional cu lo atende cu nan caso.

Durante e proceso aki, e clientenan ta ricibi e promesa cu BetterHelp no lo usa ni comparti nan dato personal di salud si no ta pa propositonan limita manera pa provee nan servicio di miho manera, FTC a splica.

Sinembargo, e compania a revela data incluyendo email y IP adres ademas di informacion di e encuesta cu Facebook, Snapchat, Criteo y Pinterest pa propositonan di promocion y avisonan, FTC a bisa den su kehonan. Tambe nan a acusa BetterHelp di a gaƱa clientenan y pueblo den aƱa 2020 pa medio di nenga noticianan unda a reporta cu nan a revela e clientenan su data personal na tercer partidonan.

 

LEAVE A REPLY

Please enter your comment!
Please enter your name here