(AP) — Un grupo pro-democracia na Hong Kong diadomingo ultimo a bisa cu polis di seguridad nacional a stop activistanan di join un protesta altamente anticipa cu a keda cancela na ultimo minuut pa e organisador.
E Liga di Democratanan Social a bisa cu polis a interoga cuatro di su miembronan riba diabierna y a adverti nan pa no participa den e marcha cu tabata planea pa e Asociacion di Trahadornan Femenino di Hong Kong.
Polis a bisa AP den un e-mail cu na momento cu nan ta tuma accion, nan ta hacie “di acuerdo cu e situacion actual y ley.”
E evento planea lo a bira e prome protesta mayor di derechonan civil den tres aña aproba pa polis y e prome despues di eliminacion di e mayor restriccionnan di Covid-19, incluyendo e mandato di tapaboca.
Durante e pandemia, protestanan mayor tabata inusual bao controlnan anti-vitus. Ademas, hopi activista a keda silencia of den detencion despues cu gobierno central Chines a impone un ley amplio di seguridad nacional despues di protestanan masivo na 2019.
Diasabra nochi, e asociacion di hende muhe a anuncia den un post riba Facebook cu lamentablemente a dicidi di cancela e marcha cu tabatin planea pa haci un yamado pa derechonan laboral y di hende muhe, y igualdad di genero, sin specifica pakico. No a responde inmediatamente na un yamada solicitando comentario.
Mey ora despues, superintendente senior interino Dennis Cheng a bisa den un sesion informativo cu prensa cu e organisador a notifica nan cu nan lo cancela e marcha despues di evalua e situcion.
Contestando si polis a bisa e organisador pa cancela e protesta pa evita duna berguensa na Beijing durante e sesion anual di e stempelparlament di China, Cheng a bisa cu polis ta respeta e decision di e organisador y ta kere cu a logra un balans. El a nenga di duna mas comentario.
Cheng a bisa cu algun grupo violento tabata kier join e protesta y a adverti e publico contra participa. E no a identifica e gruponan. E carta di aprobacion di polis pa e protesta a keda declara invalido y autoridadnan a adverti cu cualkier persona cu tabata purba di reuni riba diadomingo lo ta considera como parti di un rally no autorisa.
Mientras tanto na Beijing, premier Li Keqiang a bis cu China a haci progreso fresco den trabao relaciona cu Hong Kong y a eherce hurisdiccion general riba e ciudad sur. Criticonan ta bisa cu China a socava libertadnan priminti na e institucionnan politico, social y financiero di Hong Kong durante e entrega for di Gran Bretaña na 1997.
