Joe Biden a obtene victoria di Texas pa Massachussetts revitalisando un candidatura presidencial cu tabata al borde di desaster algun dia prome.
Pero su rival, Bernie Sanders a logra bay cu e premio mayor cu un victoria na California cu a sigura cu e – y su aceptacion di socialismo democrata – lo duna empuhe na e pelea di nominacion Democrata den futuro cercano.
Y diripiente, e campo presidencial di Partido Democrata, cu a conta cu mas di mey dozijn candidato un siman atras, transforma den un concurso entre dos homber.
Biden y Sanders, politiconan pa bida henter cu vision completamente dificil pa futuro di Merca, tabata batayando pa delegadonan mientras14 estado y un teritorio Mericano a tene un serie di eleccion cu a marca e dia mas significante di votacion den e pelea pa nominacion presidencial 2020 di e partido.
Lo por dura siman – of luna – pa e partido scoge un di nan pa enfrenta Donald Trump den eleccion general na november.
Sin cita su rival pa nomber, Sanders a tira riba Biden for di Burlington Vermont. “Bo no por derota Trump cu e mesun estilo di politica bieu”, Sanders a declara, pasando door di un lista di diferencianan politico cu Biden den pasado riba Seguro Social, comercio y forsa militar. “Esaki lo bira un contraste di idea.”
Victorianan di Biden tabata podera pa votadonan Democrata kende a bay den su direccion apenas algun dia prome cu entrega nan voto – un ola di momentum laat cu a bruha eleccion den apena algun ora. Den algun estado, esunnan cu a dicidi na ultimo momento a conta pa mita di tur votado, segun AP VoteCast, encuestanan di votadonan den varios primario estatal. El a haya sosten di un coalicion amplio di moderado y conservador, Afromericanonan y votadonan cu mas di 45 aña di edad.
Exito di Sanders a demostra cu e por entrega posiblemente e test di mas grandi den su carera politico decadas largo. Su exito tabata construi riba un base di liberalnan energetico, hende jong y Latino. Pero e no a logra amplifica suficientemente su atraccion entre votadonan di edad mas avansa y graduadonan universitario, kende ta forma un parti considerabel di votadonan democrata, segun AP VoteCast.
