Biblioteca Nacional Aruba lo tin nan actividad ‘pa un bon comienso di aña nobo 2020 riba diaranson 22 di januari, for di 6:30 pm te cu 9:30 pm na George Madurostraat.
BNA conhuntamente cu Departamento di Cultura y facilitado cultural Mirto Lacle a uni pa asina por presenta e actividad cu un programa multidisciplinario pa duna un comienso na un bon entrada di aña nobo 2020.
Durante e programa nan lo tin diferente enfoke manera literatura, arte, cultura, linguista y educacion en general. Tambe lo tin un presentacion di charla, musica, declamacion y sketch. E programa lo consisti di algun orador manera Sidney Joubert for di Corsou cu lo hiba charla tocante comision principal di ortografia di Papiamento siglo XX.
Joubert lo presenta e buki ‘e cuentanan di nanzi’ pa Nilda Pinto Jesurun e version Papiamento – Ingles y lo enfoca riba 2 obra di Pierre Antoine Lauffer. Islanan Aruba, Boneiro y Corsou di Papiemento-Papiamentu ‘lenga mama di e islanan ariba’ menciona cu lo ta central.
Lo pone enfoke riba personanan significante riba e tereno cultural cu a nace na 1918-1919 y 1920. E ta tocante recuerdo di mas cu un siglo y lo sigui cu rescate di memoria pa motibo cu nan tambe ta conta.
Nan intencion pa recorda e memoria di Juan Chabaya Lampe (Padu Lampe) caminda lo haci entrega di e cancion Chabaya Strea. Tambe nan lo haci entrega di potret historico na Biblioteca Nacional.
Lo tin un tributo na memoria di Tony Thijsen, embahador musical Arubano nacional e internacional. Nan ta invita publico general pa asisti na e anochi cultural cu entrada completamente gratis.
