USA: Shutdown a drenta siman 4 sin solucion

Trinta y un dia desde comienso di e shutdown parcial di gobierno federal y no tin perspectiva ainda di un posibel acuerdo entre e Democratanan, cu desde e luna aki tin un firme mayoria den Camara di Representante, y gobierno di presidente Donald Trump.

Diasabra pasa Trump a propone un apertura, por lo menos segun su propio opinion, un suavisacion temporal di su politica pa cu e ‘dreamers’ (hobennan treci na Merca ilegalmente como mucha) pero no a hala su exigencia di kier US$ 5,7 biyon pa construi e muraya na frontera cu Mexico. E Democratanan a rechasa su propuesta inmediatamente.

Trump diadomingo pasa a yama lider Democrata di Camara di Representante Nancy Pelosi un “radical” cu segun e tabata actua iracionalmente. E presidente tambe a purba para critica di banda conservador politico, acusando Trump di considera “amnistia” pa inmigrante ilegal.

“No, Amnistia no ta parti di mi oferta,” Trump a skirbi riba Twitter diadomingo, indicando cu el a ofrece extension temporal pa tres aña, di permiso, no estadia permanente. Pero el a añadi: “Amnestia lo por usa solamente riba un deal hopi mas grandi, sea pa inmigracion o algo otro.”

E critica di ambos banda ta ilustra e posicion di Trump, mey mey di dos extremo, mientras e ta purba gana algo di apoyo di algun Democrata, sin perde su base Republicano. Cu cienmiles di empleado federal sin pago pa otro periodo, e asunto a pasa pa Senado unda lider di mayoria (Republicano) Mitch McConnell a bay di acuerdo pa trece propuesta di Trump na votacion e siman aki. Democratanan ta bisa cu tin poco probabilidad cu e medida ta alcansa e 60 votonan necesario den e caso aki, ora ta trata di legislacion. E Republicanonan ta mantene un mayoria di 53-47 cu ta implica cu nan mester algun voto Democrata pa pasa ley.

You May Also Like

Atrobe atake cibernetico grandi ta dal Europa

Hackers a causa problema grandi na entre otro negoshinan, banconan y aeropuertonan rond Europa ...

Maestro di aña tabata host fiestanan sexual

Un maestro di scol na Judson High School den estado di Texas, Merca, ta ...

DilmaRousseff.JPG

Politica na Brazil ta masha straño mes

Un rato, Presidente Dilma Roussef tabata na caminda pa wordo elimina di su funcion. ...

e07f26cd508503f054ba7bdce5f280e219af619cf337b30f297dfe0da446853e_3743009.jpg

FBI ta perde speransa den caso di hijacking den aña 1970

DB Cooper, kende a bula di un Boeing 727 cu $200,000 , nunca a ...

fa9b2a62a30e3d783d81fba73fa1f679.jpg

Ex Polis: OJ Simpson ta bay confesa

Un ex oficial di polis kende a duna prueba den caso di corte di ...

FDA ta evalua cancer relaciona cu implante di pecho

Durante un reunion di dos dia, cuminsando awe, un panel di expertonan di FDA ...