Diamars anochi laat na altura di Daltra na Barcadera Kustwacht ta drenta cu e boto Caribbean Blue di Puerto Cabello cu hopi kilo di droga.
Pa tur hende nan sorpresa ta haya un radio marca Sepura, parecido na di Cuerpo Policial. Pues aki ta trata di un organisacion grandi y cu hopi poder. Dos homber di e mini go fast ta kede deteni, pero segun nos por a compronde algun otro persona a logra huy den un Van color blanco. Con esaki a pasa no ta mucho cla, pues lo por ta ilegalnan tambe cu a posiblemente a haya un “lift” pa Aruba.
Kustwacht a ranca e boto y a bay mas pariba na e waf. Nos a compronde mes ora cu ta trata di un caso basta serio, mirando cu den algun minuut a yega un cantidad di auto di departamento di Narcotica.
Esaki ta un caso cu lo bay haya un rabo basta largo y caminda cu basta detencion lo bay cay den e dia nan nos dilanti.
