Brasil: A detene dos polis sospechoso di asesinato di activista Marielle Franco

Segun e autoridadnan Brasileño, e crimen di e concejal y activista Marielle Franco a ser planifica meticulosamente durante tres luna. A identifica e sospechosonan como Ronnie Lessa, oficial di polis retira y Élcio Vieira de Queiroz, polis cu a ser expulsa di e institucion.

“Dos polis a ser aresta pa nan participacion directo y efectivo den e crimen, cu e arestonan aki nos ta cerca di resolve e crimen”, Marcus Vinícius Braga, secretario de polis di estado di Río de Janeiro, a informa ayera.

E investigadonan a señala cu Lessa a tira e balanan cu a caba cu e bida di Franco, y Anderson Pedro Mathias Gomes, e chauffeur di e vehiculo den e cual nan tabata transporta.

Queiroz, ken a ser expulsa di e Polis Militar, ta acusa di ta e chauffeur di e auto den e cual e crimen a ser cometi. Di acuerdo cu e autoridadnan, Lessa a tira e bala desde e asiento patras di e auto.

E hecho a sucede na e nort di Rio de Janeiro, e di dos ciudad mas grandi di Brasil. E investigadonan a descubri cu e crimen a ser prepara durante tres luna, y cu Lessa a haci averiguacion riba internet di e luganan cu e concejal tabata bishita.

Marielle Francisco da Silva, conoci como Marielle Franco, a ser defini como ‘muhe feminista, hende preto y yiu di e favela’.

E sociologo a muri cu 38 aña di edad, e tabata di cinco concejal cu mas voto na e eleccionnan municipal di Rio di Janeiro na 2016.

Franco a gana e reconocemento como activista di defensa di e Derechonan Humano y derechonan di hende muhe, e comunidad LGBT y comunidad di e favela. Tambe a denuncia e abusonan policial na Rio di Janeiro, y pa e cantidad di denuncia, el a ser considera como un strea creciente den e partido iskierdista Socialismo y Libertad.

 

You May Also Like

Oposicion a cumpli cu “plantón nacional” contra Maduro

Oposicion di Venezuela a participa den un protesta nobo cu nan a yama “plantón”: ...

Uruguay: Aumento record di asesinato y hortamento violento 

Minister di Interior Uruguayo, Eduardo Bonomi, acompaña pa e director nacional di Polis, Mario ...

Venzuela: Mediacion ta pa Maduro sali di poder

Presidente interino, Juan Guaido, a declara diasabra pasa na prensa cu cualkier iniciativa internacional ...

Colombia ta investiga posibel intento di asesinato contra presidente

Autoridadnan Colombiano ta investigando un posibel plan, envolviendo Venezolanonan, pa asesina presidente Ivan Duque, ...

Parke solar Saba ta bon pa medio ambiente,pero no pa bo cartera

THE BOTTOM – 6288 panelnan di solar ta proporciona electricidad na Saba. Riba dianan ...