Brazil's President Jair Bolsonaro smiles behind his Economy Minister Paulo Guedes during a ceremony on a program to increase public sector efficiency at the Planalto presidential palace, in Brasilia, Brazil, Thursday, Nov. 26, 2020 (AP Photo/Eraldo Peres)

Presidente di Brasil, Jair Bolsonaro a bisa cu e no lo tuma ningun vacuna di Covid-19 su mes, y a referi na e uso di tapaboca pa limita e transmision di e malesa como ‘e ultimo taboo pa cay’.

Comentarionan di Bolsonaro, transmiti riba su rednan social diahuebs anochi, a causa alarma cerca expertonan di salud kende a bisa cu nan por socava esfuersonan pa logra nivelnan di vacunacion esencial pa stop e pandemia, y por spanta e fabricantenan di vacuna negociando cu autoridadnan local.

Sinembargo, Bolsonaro tambe a bisa cu cualkier vacuna cu ta certifica pa agencia di Salud di Brasil lo ta disponibel gratis pa publico.

Bolsonaro, kende a contrae e virus na juli, pa largo a resisti e conseho di mayoria di cientifico y expertonan di salud pa restringi actividad social y economico, argumentando cu e daño di un lockdown lo ta pio cu e pandemia.

Un estudio publica dia 15 di juli den American Journal of Preventive Medicine a haya por stop cu medidanan di distancia social di forma sigur si al menos 75% di e poblacion haya un vacuna cu ta mas cu 70% efectivo. Test a mustra cu algun candidato pa vacuna tin un eficacia potencial mas halto cu esey.

Algun grupo sensitivo, manera pashent di cancer of muhenan na estado, por no ta capaz di tuma vacuna di Covid-19 y lo ta suceptible na e virus.

Mas di 171mil persona a muri di Covid-19 na Brasil, segundo solamente tras di Merca.

More than 171,000 people have died of COVID-19 in Brazil, second only to the United States.

“Forsa hende pa tuma e vacuna of bisa cu esun cu no tum’e no por haya paspoort, tin un trabao publico, esey ta dictadura”, Bolsonaro a bisa. “Esun cu defende esey ta un dictador.”

Gobierno Federal di Brasil tin un acuerdo pa haya te cu 100 miyon dosis di e vacuna Oxford-AstraZeneca si esaki ta efectivo. Otro desaroyadornan, manera Pfizer, segun reportenan tambe ta ofreciendo acuerdonan na administracion di Bolsonaro. Estado di Sao Paulo, epicentro di e crisis na Brasil, tin un acuerdo pa cumpra un vacuna traha pa compania Chines, Sinovac cu ta den fase final di test.

 

LEAVE A REPLY

Please enter your comment!
Please enter your name here