Brasil: Cada 4 ora y mey un trahado ta muri den accidente di trabao

Desde inicio di 2017, por lo menos un trahado Brasileño ta muri cada cuatro ora y  mey como victima di un accidente di trabao. E dato aki ta di e observatorio digital di salud y siguridad di trabao, desaroya pa Ministerio Publico di trabao (MPT) y pa e organisacion internacional di trabao (OIT; ILO), di cual e resultadonan actualisa a keda presenta dialuna 5 di maart.

Basa riba informacion poni disponibel pa varios organo publico, e observatorio ta calcula cu, entre inicio di aña pasa y 14:00or dialuna, a registra 675.025 notificacion di accidente di trabao, y 2.351 notificacion di morto.

Di acuerdo cu e observatorio, entre 2012 y 2017,  seguro social a gasta mas di R$ 26,2 biyon (US$ 8biyon) na pago di gasto medico relaciona cu accidente, pago pa discapacidad, y pension pa morto di trahado. Aparte di esey, basa riba e calculonan di OIT e procurador di trabao y co coordinador di e laboratorio di maneho (SmartLab di Trabao Decente), Luis Fabiano de Assis, a afirma cu e pais ta perde anualmente 4% di su Producto Interno Bruto (PIB) na gasto causa pa practica pober den siguridad na trabao.

Segun Assis aña pasa e perdidanan general den economia cu accidente na trabao tabata e ekivalente di R$ 264 biyon. Pa e procuradornan di trabao, e cifranan ta alarmante y ta apenas e punta di e ijsberg y no ta representando e dimension real di e problema. Assis ta bisa tambe cu e registracion di notificacion no ta cayendo.  “Ora nos analisa e cantidad di trahado exponi na riesgo di accidente, e cantidad di contract laboral existente, e cantidad di accidente no a cay compara cu 2016.”

Analisa segun sector, e notificacionnan mas halto tabata bin di sector di hospital y atencion di salud, publico y priva, unda a registra 10% di e total. Despues ta sigui comercio detayista (3,5%);  administracion publico (2,6%); post (2,5%) y construccion (2,4%), sigui pa transporte di carga (2,4%). Entre e profesionnan cu mas victima tin esunnan cu ta traha den linea di produccion industrial; e enfermeronan; trahado di limpiesa; helper den construccion y conductor di truck. Esunnan cu ta traha den contacto cu mashin y aparato tin mas chens di accidenta y di sufri herida mas grave.

You May Also Like

Brasil: Mas di 90 prisonero a huy via tunnel di un prizon

Diahuebs mas di 90 prisonero di estado di Rio Grande di Norte, Brasil, a ...

Peru: Alberto Fujimori lo bolbe prizon di Barbadillo

Instituto Nacional Penitenciario di Peru (INPE) a informa e Poder Hudicial cu e ex-presidente ...

ONU a registra mas di 50 mil arma di FARC

Presidente di Colombia Juan Manuel Santos a informa cu tin  mas di 50.000 arma ...

Avianca lo importa piloto di exterior pero di Avianca Holding

Desde ayera diamars Avianca lo a cuminsa drenta piloto stranhero pa Avianca por spera ...

Merca ta aproba extradicion di ex-presidente Martinelli

Departamento di Estado di Estadonan Uni a aproba extradicion pa Panama di e ex-presidente ...