Venezuela: Cuatro di cada dies Venezolano tin pensa di bandona nan pais

(lapatilla.com/AFP) Cuatro di cada 10 Venezolano tin planea pa bay di Venezuela den e proximo 12 luna pa scapa di e crisis economico grave, segun un estudio di e compania di encuesta Datos Group.

“Hende ta bay pasobra nan no por come”, e director di e empresa, Luis Maturen, a bisa AFP splicando e resultadonan di e sondeo.

E Venezolanonan ta enfrenta un crisis cu ta combina escasez di tur tipo di bienes basico, y un hiperinflacion cu segun IMF por yega te 13.000% na 2018.

E migracion ta relaciona cu e buskeda di entrada na divisa stranhero pa sostene e miembronan di famia cu ta keda na e pais, mirando e collapse di e moneda local, e bolivar.

Di acuerdo cu e investigacion, actualmente e remesanan, placa manda pa famia den exterior, ta na US$ 289 miyon pa aña, loke ta 0,1% di e Producto Interno Bruto.

“42% ta bin di Europa y 40% di Norte America, y nos ta bay mira un incremento di paisnan di Latino America”, segun Maturen.

E sondeo, realisa entre 4 di januari y 2 di februari entre 2.074 persona, ta calcula cu tres miyon Venezolano ta ricibi placa di famia den exterior, loke ta representa 14% di e poblacion. Ademas, 5% a bisa cu nan a ricibi medicina y alimento di exterior.

E volumen di remesa di Venezuela ainda ta abao compara cu otro paisnan, pero e pronostico ta mustra cu pa fin di 2018 esaki por ta dobel. Na su huicio, e perdida di poder di compra ta dividi e pais entre esunnan cu ta ricibi divisa y esunnan cu ta sobrevivi cu bolivar.

Destrosa pa e hiperinflacion, e salario minimo di 1.307.646 bolivar ta igual na 36,6 dollar na cambio oficial y na 6,1 dollar riba mercado preto.

E crisis politico no ta figura entre e principal preocupacionnan di e Venezolanonan. “E prioridad ta sobrevivi, pues 40% a manifesta como principal preocupacion e costo halto di bida  y 29% ta menciona e desabastecemento,” e experto ta afirma.

Tomás Paez, sociologo specialista den migracion, ta sigura cu entre 400.000 y 500.000 Venezolano a bandona e pais den e dos ultimo añanan.

Durante e periodo ey e crisis a profundisa, specialmente pa e caida di e di prijs di petroleo, loke a baha entrada di gobierno drasticamente, y e caida di e produccion interno, cu a provoca escasez.

 

You May Also Like

Venezuela: Diosdado Cabello kier convoca eleccion parlamentario

Diosdado Cabello, presidente di e asamblea nacional constituyente, a sigura ayera cu nan ta ...

Papa Francisco cu yamado na tur gobierno pa ricibi migrante

Papa Francisco a haci un yamado na tur hoben inmigrante, cu por keda afecta ...

Colombia: A cera frontera pa dos dia despues di confrontacion

Enfrentamento fuerte entre e grupo Venezolano cu a purba drenta cu e ayudo humanitario ...

Mucha di 12 aña a cana 5 ora pa evita keda recluta pa grupo terorista

Polis di Tibu, situa na departamento Norte de Santander – Colombia a haya banda ...

Criminal Colombiano di abuso sexual den centenares di caso aresta na Venezuela

(Infobae) – E Colombiano Juan Carlos Sánchez, conoci como e Lobo Feroz, a wordo aresta ...

Nicaragua: Ta denuncia desaparicion di decenas di preso politico den prizon

Manifestantenan anti-gubernamental cu ta preso den e prizon “La Modelo” di Nicaragua a desaparece ...