Brasil: Marcha masivo di docente y studiante contra Bolsonaro

Presidente di Brasil, Jair Bolsonaro, a biba e manifestacion mas grandi den su contra, desde cu el a yega na poder januari pasa. Den sikiera 27 capital regional, miles di manifestante, den su mayoria studiante y docentenan cu apoyo di sindicato, a tuma e cayanan pa protesta contra e politica presupuestario di e Gobierno actual.

E indignacion a origina pa e anuncio di un recorte di 30% den e subsidio di educacion superior , cu directamente lo afecta e universidadnan publico.

“Nos sa cu e efecto mayor di e recortenan aki, esun mas grandi di nos pais, ta destrui nos sistema educativo, cu lo golpia e persona mas pober”, Pilar Guimaraes, un profesor cu a participa na e marcha, a bisa.

E recorte presupuestario ta inclui plannan pa redirigi e placa di humanidadnan pa otorga beneficio na esunnan cu ta paga impuesto, un medida cu lo recorta directamente e mantenemento y cuido di e institucionnan di educacion superior.

E presidente ultra-derechista a pronuncia riba e manifestacionnan cu a alcansa reuni te 250.000 persona na ciudadnan manera Belo Horizonte, y a yama e participantenan ‘idiotanan inutil’, pa via di laga nan mes ser domina pa e institucion publico.

E minister di Educacion, Abraham Weintraub, a responde riba e criticanan di e Brasileño, y a atribui e responsabilidad pa e gobiernonan anterior.

E minister a bisa cu e ‘presupuesto di e aña aki a ser haci pa e Gobierno di Michel Temer’, antecesor di Bolsonaro. Tambe el a argumenta cu e paralisacion cu e economia ta bibando, na su huicio tambe ta consecuencia di e Gobiernonan anterior’. E recaudacion fiscal a cay durante e prome tres luna di e aña aki, loke a obliga e Ministerio di Economia pa reduci of vries e gasto na tur ministerio.

 

You May Also Like

Studiante ta mata dos colega den klas na Goiania – Brasil, pa bullying

Un studiante a tira dos compañero di klas mata, y a herida otro cuatro ...

Video ta revela pago di 4 miyon dollar na campaña di presidente Peña Nieto

(Univision) Ciudad di Mexico – Luis Alberto De Meneses Weyll, ex-director di e empresa ...

Mas enfoke riba carni y siguridad di alimentacion

WILLEMSTAD – Supermercadonan y Wholsalenan riba e isla di Corsou a manda nan empleadonan pa ...

Segun regla internacional na Boneiro, no ta den tur caso ta procesa sushi biomedico

KRALENDIJK – Dokter di cas, dentista, un botica y un laboratorio na Boneiro no ...

Odebrecht a duna placa ilegal pa campaña di Capriles na Venezuela

E grupo empresarial Brasilero Odebrecht cu ta den scandal di corupcion di  Petrobras, a ...

Brasil: Cada 4 ora y mey un trahado ta muri den accidente di trabao

Desde inicio di 2017, por lo menos un trahado Brasileño ta muri cada cuatro ...