Alcalde de Río de Janeiro, Marcelo Crivella, despues cu a reuni cu comite cientifico cu ta duna nan recomendacion, el a dicidi pone den marcha un plan pa habri bek e ciudad den seis fase, aunke tin aumento di casonan di coronavirus.

Di acuerdo cu informacion duna, e espacio espera entre cada etapa lo ta di 15 dia, cu por extende of corta segun e evolucion di e curva di e hende infecta. Siguiendo un plan, bida di e cariocanan lo bolbe bek na normalidad den tres luna.

E prome fase ta implica e apertura di actividadnan cu un relevancia economico mayor y cu menos riesgo di contagio. Di dos etapa, lo bolbe pa actividadnan cu menos impacto den economia y menos riesgo di contagio. Despues, lo sigui cu e otro fasenan, tanten nan lo alcansa e actividadnan cu ta ofrece un riesgo mayor y cu tin menos peso den economia.

Durante e reunion, e alcalde no a numera e fasenan y ta espera di un encuentro nobo awe diasabra, na unda nan lo duna di conoce e detayenan di e medida.

Di igual manera, den cada fase lo mantene e recomendacionnan di higiena y uso di mondkapies. Tambe ,lo sugeri pa regula e orarionan di trahado pa asina evita oranan pico y aglomeracion den stacion di transporte publico. Ademas, lo conseha pa personanan mayor cu ta den grupo di riesgo pa keda den cas te ultimo etapa.

E casonan pa dia a logra otro record den e pais y awor nan tin 438.238 persona infecta, segun e boletin diario publica pa despacho ministerial.

LEAVE A REPLY

Please enter your comment!
Please enter your name here