Brasil: Tribunal Supremo di Husticia a ordena liberacion di Michel Temer

Un mayoria di e Tribunal Supremo di Husticia a dicidi unanimamente e aceptacion di e habeas corpus cu a ser presenta pa e defensa di ex-presidente Michel Temer.

Di acuerdo cu informacion publica pa Folha di Sao Paulo, e decision ta implica e liberacion di Temer, kende ta deteni na Sau Paulo di forma preventivo.

Durante e sesion di diamars pasa, e magistrado tambe a otorga e habeas corpus pa Joao Baptista Lima Filho, amigo di Temer desde e decada di 80 y apunta como un di e operador di e ex-presidente.

Ambos a obtene un regimen di libertad den cual nan mester cumpli cu algun medida di cautela, como por ehempel, mantene contacto cu otro investigadonan, di cambia di domicilio, sali di e pais, y ocupa cargo di algun condicion partidario. Ademas, mester entrega nan paspoort y lo mantene bienes blokia, e diario O Globo a informa.

E decision di e husticia ta preliminar, y ta basa riba un critica pa e prizon preventivo debi cu e supuesto crimen cu a ser imputa pa nan a tuma luga entre añanan 2011 y 2015. Ademas, e ex-presidente actualmente no ta ocupa ningun cargo di importancia pa e haci un delito si keda libera.

A aresta e politico dia 21 di maart pasa, despues cu e Fiscalia a acus’ele di haya beneficio di soborno paga pa diferente empresa, y di ta e principal lider di un organisacion criminal cu a desvia cerca di 5,000 miyon di dollar di recurso politico durante 40 aña.

Temer a asumi e poder na mei di 2016, ora a cuminsa e proceso cu a hiba e destitucion di e mandatario na e momentonan ey, Dilma Rousseff, ora e tabata eherce como vice-presidente, y dia 1 di januari pasa a entrega e banda presidencial pa Jair Bolsonaro.

 

 

You May Also Like

Triatleta perdi den Ironman di Fortaleza, Brasil

(G1/Globo).- Un atleta cu tabata competi den e di cuatro edicion di e Ironman ...

Crimen na El Salvador: Suhetonan a mata un pareha y nan yiu di 2 y 10 aña

Un suceso nobo sangriente ta laga luto na El Salvador. Diasabra anochi, cuatro miembro ...

Honduras ta introduci castigo di 20 aña pa organisa manifestacion di protesta

Congreso di Honduras a aproba recientemente un articulo nobo di e Codigo Penal cu ...

Presidente Juan Manuel Santos no ta apoya intervencion militar na Venezuela

E presidente Colombiano, Juan Manuel Santos,a bisa su colega Mericano Donald Trump cu America ...

Brasil: Lo duna residencia permanente na inmigrante Venezolano

(JornaldoBrasil) – Venezolanonan cu tin residencia temporal na Brasil pa dos aña lo por ...

Peru: Un bus a cay den un abismo lagando por lo menos 44 morto

(Infobae/LaRepublica) – E suceso a tuma luga diaranson marduga na region di Arequipa, na ...