(Infobae) – Por lo menos 58 ciudad Brasilero di estado di Sao Paulo a anuncia di forma conhunto e cancelacion di celebracionnan di Carnaval pa proximo aña, debi na situacion sanitario cu pandemia di coronavirus a causa.

Esaki lo ta e di dos aña consecutivo cu na Botucatu, Sorocaba, Poa of Suzano lo suspende e multitudinario actonan riba cayanan, manera e website Brasilero G1 a indica.

“A dicidi unanimamente cu e ciudadnan aki no lo realisa carnaval pa respet na tur e victimanan di Covid-19 y pa miedo na un ola nobo di e virus”, e alcalde di ciudad di Guariba, Celso Romano, e municipio na unda a celebra un reunion di diesdos localidadnan pa trata e asunto a bisa.

Di su parti, na ciudad di Sao Paulo autoridadnan a establece un schedule, mientras na otro localidadnan como Recife, Salvador, Rio de Janeiro of Belo Monte kier crea un comite encarga di tuma decisionnan riba esaki.

Aunke e cifra di ocupacion di hospitalnan ta abou y cifranan di contagio tin speransa den comparacion cu esun di haci tres luna, autoridadnan municipal ta sigui prudente pa e miedo cu e celebracionnan lo por causa un aumento di casonan positivo y mortonan.

Ademas, algun ciudadnan a splica cu nan situacion economico ta impedi nan enfrenta e inversion cu ta supone di pone riba marcha e carnaval, mientras cu Secretaria di Estado di Desaroyo Regional di Sao Paulo a señala cu e ciudadnan lo por dicidi si celebra e evento of no, sin necesidad di informa administracion estatal.

LEAVE A REPLY

Please enter your comment!
Please enter your name here