(NLTimes) – Studiantenan Hulandes en total tabatin un debe combina di 24.4 biyon euro na comienso di e aña aki, mientras cu varios studiante tabata cuminsando nan curso universitario y di enseñansa avansa.

E cantidad total di debe di studiante na Hulanda a aumenta cu un porcentahe di 7 compara cu aña 2020, segun e figuranan nobo publica pa e oficina di estadistica nacional CBS.

Mas studiante a cuminsa un curso pa ricibi titulo aña pasa pa motibo cu coronavirus a haci casi imposibel pa tuma un aña di break, como hopi tabatin di custumber. Den adicion, e decision di cancela e examennan final di scol nacional a causa un porcentahe di graduacion hopi mas halto, cual a permiti un cantidad mas grandi di lo normalmente mira di studiante pa sigui nan estudio.

Mas o menos 1.6 miyon hende awo tin un debe pa paga bek, un aumento cu ta sumamente drastico compara cu e cifra total di 100,000 den aña 2020. Sinembargo, e averahe di e debenan aki ta permanece na mas o menos 15,000 euro.

E debe total actualmente ta practicamente dobel compara cu aña 2015, ora cu prestamo a keda nenga pa tur cu excepcion di studiantenan den pobresa. Sinembargo, tur 4 partido actualmente den deliberacion pa forma un gobierno nobo ta publicamente conoci pa apoya un reviso di e sistema actual y posiblemente bin cu un sistema nobo.

LEAVE A REPLY

Please enter your comment!
Please enter your name here