(AP) – Algun ciudad na Brazil ya ta dunando dosis extra di e vacuna contra di COVID-19 aunke mayoria di e hendenan te ainda tin cu ricibi nan di dos vacuna, birando un señal cu ta preocupa e pais den bista di un variante mas contagioso manera delta.

Rio de Janiero, Brazil su epicentro actual pa e variante y cas di un di nan populacion mas grandi di e residentenan di edad mas avansa, a cuminsa ofrece y duna e extra dosisnan aki riba diaranson. Otro ciudadnan manera Salvador y Sao Luis a cuminsa riba dialuna, y e ciudad mas popula di Sao Paulo lo cuminsa riba dia 6 di september. E resto di e nacion lo sigui e ciudadnan aki, cuminsando otro siman.

Francia, Israel, China y Chile ta entre e paisnan cu tambe a cuminsa duna e dosis extra di e vacuna contra di COVID-19 na e residentenan di edad mas avansa, pero mas persona den e paisnan aki menciona ya a ser completamente vacuna, compara cu e 30% cu a ricibi ambos vacuna den Brazil. Un plan di Merca di cuminsa entrega dosisnan extra pa september 20 pa mayoria di e Mericanonan ta enfrentando problemanan y complicacionnan uc lo por retrasa e di tres dosis aki pa e personanan cu a ricibi e vacuna di Moderna, oficialnan di administracion a bisa riba diabierna.

Mas o menos 9 di 10 Brasileño a ser vacuna caba of tin plan di haci esaki, segun Datafolha, ken ta traha encuesta online. Mayoria ya a ricibi nan prome dosis pero te ainda no e di dos.

Brazil su casonan y mortonan tin ya dos luna ta baha, cu 621 reporta den e prome ultimo simannan, cual ta hopi mas abao cu e cantidad mas halto mira den april di 3,000 morto durante un mesun periodo di 7 dia. Brasileno nan di edad mas avansa a expresa preocupacion pa cu e eficacia di e vacuna Chino Sinovac contra e variante delta, motivando e oficialnan pa ofrece e di tres dosis aki.

Diana dos Santos, ken tin 71 aña di edad a ricibi 2 dosis di e vaunca di Sonivac, hasta despues cu President Jair Bolsonaro a pasa lunanan largo ta critica esaki publicamente. Dos Santos, ken ta biba den Rio su area di ingreso baho, Mare, ta diabetico y a ser hospitalisa anteriormente pa un condicion di curason. E ta nenga di sali for di cas te ora cu e ricibi un di tres dosis di e vacuna.

“Mi no por sali mas manera mi tabata haci antes y te ainda mi tin miedo di tur esaki,” Dos Santos a isa. “Mi lo sinti mi mes hopi mas miho y sigur cu e di tres dosis aki.”

Pa causa di e variante, hopi experto ta bisa cu e gobierno mester para cu e distribucion di un di tres dosis y cuminsa enfoca y aumenta e distribucion di e di dos dosis na e personanan cu te ainda no a ricibi esaki. Delta ta e variante mas contagioso cua ser identifica, y hopi estudio ta indica cu un solo dosis no ta proteha den contra di esaki. Ambos dosis ta necesario pa por provee un proteccin cu ta fuerte y eficaz, cu casi tur hospitalisacion y mortonan entre e personanan cu no ta vacuna te ainda.