Recientemente nos a tuma nota cu e brug di Lagoen na Oranjestad ta den un estado deplorabel. Pa hopi tempo caba e brug aki su estado ta empeora cada bes mas, te cu aworaki e biganan ta completamente frustia y e beton ta cayendo for di structura.

Aruba ta conoci pa e mantencion pober di su infrastructura, y esaki ta un bon ehempel di esey. E estado di e brug ta peligroso mirando cu e ta den un area cu tin hopi transito, y no por laga afo cu e ta un mahos bista tambe pa e turistanan cu ta bishita nos isla.

D.O.W. tin diferente proyecto, manera renobacion di edificio, ponemento di asfalt den diferente districto y construccion di mas rotonde entre otro, pero no ta duna e importancia y atencion necesario na e brug aki, cu mester di un renobacion extensivo urgentemente. Kico ta warda, pa e cay prome?

LEAVE A REPLY

Please enter your comment!
Please enter your name here