Bureau City Inspector y InfraAruba riba caso Canashito

ORANJESTAD – Durante un conferencia di prensa teni ayera na Bureau City Inspector, Kevin Peterson, hefe di Bureau City Inspector; Curtis Fraser, hefe di InfraAruba; y Robby Rosel, relacionista publico di Bureau City Inspector, a splica pa e medionan presente loke a sucede diadomingo pasa na Rooi di Canashito.

Rosel a bisa cu nan a ricibi un yamada di departamento di Naturalesa y Medio Ambiente, cu ta forma parti di e ministerio di minister Otmar Oduber, pa loke tabata e caso di un capa di petroleo, asfalt y cement cu tabatin den e rooi.

Tambe el a expresa cu lo tabatin e caso di un shoco cu a muri pa via di e likido di asfalt. Rosel sigura cu no tabata un shoco, sino tres palomba y un galiña. City Inspector y departamento encarga cu Medio Ambiente a presenta na e sitio pa haci un inspeccion, y ora nan a yega, e instancianan a ripara cu tabatin un situacion di un leak, cu tabata di un substancia yama ‘bitumen’ cu e compania cu ta usa e tereno ta usa pa traha asfalt. Segun cu a splica e producto ta pertenece na e compania Mota Engil, cu ta trece e bitumen Aruba pa traha asfalt, y nan ta warda esaki na e tereno di Thiel Corporation.

Thiel Corporation ta huur e tereno cu Mota Engil y tabatin un representante di Thiel Corporation presente na e luga diadomingo pasa, hunto cu Bureau City Inspector, departamento di Medio Ambiente y ministerio encarga cu medio Ambiente. Rosel a sigura cu Anthony Thiel di Thiel Corporations tabata presente pa duna tur cooperacion pa Bureau City Inspector, y pa tur e instancianan por drenta na e luga pa por haci tur investigacion, y pa nan por sigui monitor henter e situacion, pa asina den futuro tur cos por bay bon.

A mustra varios potret durante e conferencia di prensa di e sitio unda e bitumen tabata core, y otro caminda unda e compania ta laba e cement di e trucknan y esey ta core den e rooi. A referi na e mancha preto cu tabatin riba tera, y a bisa cu nan lo bay ta enfoca riba esey pa e caso aki no ripiti mas.
Di su parti, Peterson a gradici sr. Thiel di Thiel Corporation pa duna e cooperacion pa tur e instancianan por a drenta pa inspecciona e luga; el a bisa cu nan lo bay haci un inspeccion pa nan por comproba cu ta calor a causa cu dos of tres saco di bitumen a kibra.

Peterson a comenta cu diadomingo pasa hunto cune tabata director di DNI, sr. Koopmans, cu lo traha un rapport di loke a sucede; tambe a bisa cu e siman aki nan lo bay papia cu e doñonan di e substancia cu a leak pa nan haci e luga limpi. Peterson a comenta cu Thiel a admiti cu tabata laba su trucknan na halto riba e tereno, y segun Thiel a splica, cu den futuro e lo bay wak con nan ta bay haci esey di otro manera pa no basha cement mas na e luga. Bon Dia Aruba a puntra Peterson si nan lo bay tuma accion legal contra e compania, pa e daño cu nan a causa, aunke el a sucede riba un tereno priva. Peterson a bisa cu esey ta keda den man di Directie Natuur em Milieu, y cu nan lo bay traha un rapport riba e asunto. Tambe a expresa cu Peterson, hunto cu DNM, lo tin un cita cu e compania Mota Engil pa splica kico nan mester haci pa laga e luga limpi y pa yega na un solucion pa esaki no sucede mas den futuro.
Ademas, Fraser a declara cu ora algo asina pasa na Aruba, lo ta bon pa notifica InfraAruba. E tabata contento di observa con un ciudadano a mira algo robes y el a alerta riba Facebook, ya cu nan mes tambe ta hopi riba e red social aki, pa asina nan lo por yega mas cerca di publico.

Curtis a expresa cu InfraAruba ta al tanto di e situacion, y cu nan ta contento cu e instancianan por a subi e tereno. Tambe a duna di conoce cu desde e momentonan aki tur e cosnan aki no lo por sucede asina mas; ta un acto contra naturalesa y contra nos leynan. Segun Curtis, cualkier persona cu mira cualkier violacion, e por acudi na InfraAruba.com pa cuminsa alerta publico.

You May Also Like

candela Renaissance Island

Candela Renaissance Island a cuminsa den ‘cooler’ di bebida

Mas o menos 7.15 di mainta e prome trahadonan a subi Renaissance Island y di ...

SVb inversion digital.jpg

SVb ta inverti casi 3 miyon florin di nan fondo pa digitalisa nan servicionan

Den cuadro di existencia di nos Banco di Seguro Social (SVb) su 30 aña ...

caya grandi.jpg

Diabierna y Diasabra tin Bazar pa Dia di Tata den Caya Grandi

E fin di siman aki henter pueblo di Aruba ta invita pa bin pasa ...

13-11-16acccautoseropatrishi (5).JPG

Chauffeur bou influencia a ranca palo di luz y kibra un cura di cas

Diadomingo den careda di 7’or mainta riba e caminda di Sero Blanco pa Sero ...

Dimas lo duna prioridad na grupo di hoben di scol secundario den examen

Dimas ta calcula cu alrededor di 1000 persona lo beneficia di e Proyecto Dreamers ...

Ennia

Director Ennia ta admiti cu ‘algo ta pasando’: riesgo di concentracion ta halto

Managing director di Ennia (oficina principal na Corsou) Gilbert Martina ta admiti awe cu ...