Diadomingo marduga oficialnan di K9 unit durante nan patruya a tuma nota di un hyundai accent blauw sospechoso den area di Noord. Na caminda pa Washington banda di e banco e sospechoso parce di a mira Polis core drenta mondi. Di biaha a start un persecucion na pia y cu e cachonan canino. Mas patruya a yega na e sitio pa rondona e area di e mondi pabou di CMB, ya cu e sospechoso hoben ta conoci pa sconde bon, pero lastima mucho no por a haci den un mondi bon scur asina pero e oficialnan a purba haci lo maximo. Te asta Arrestatie team tabata presente a drenta mondi pa duna un man.
Alto Comisario di Polis, Sr Dolfi cu a scucha tur e noticianan via di su radio a yega cerca pa mira con e polisnan ta trahando den e buskeda grandi aki, y e tabata contento con e oficialnan ta comunica riba radio pa casonan asina.
