Jesus de Marchena, un hoben landado Arubano ta preparando pa competí den e Río Paralimpico 2016 ,september benidero.
Comité Paralimpico Arubano.
(Www.auaparalympic.org)Comite Paralimpico Arubano ta un organización hopi hoben cu a inicia na october 2015. Jesus a cuminsa train na november 2015 y su coach ta hopi contento cu su progreso como atleta y como persona. “E ta mustra hopi dedicacion y pasion como atleta y e ta train 3 biaha pa siman den gym y 5 biaha pa siman den pool. También ela crece como persona y e ta mustra hopi más confiansa den su mes.”
Comité Paralimpico Arubano ta wordo sostene pa Comité Olímpico Arubano como consehero. Tambe nan ta haya uniform di Comite Olimpico Arubano.
Asina mes ta depende primordialmente di donacionan y fundraising pa sostene nan organisacion.
Durante e lunanan di juli y september, 10% di e venta di Diana’s weekly Pancake special ,ta bai como donacion na Comité Paralimpico Arubano, exclusivamente pa Jesus de Marchena. Tambe lo tin un caha pa donacion na e establecimiento di Diana’s Pancake House.
Donashonan lo wordo acepta na Caribbean Mercantile Bank. na nomber di Aruba Paralympic Committee, cuenta #63380602.
