Cacho a landa mas di 220km prome cu a wordo rescata

BANGKOK (AP) — Trahadonan di un plataforma petrolero haya un cacho cu a landa mas di 220km for di costa, den Golfo di Thailandia, cual nan a rescata y trece bek riba tera.

Vitisak Payalaw, un trahado riba e plataforma perteneciendo na Chevron Thailand Exploration and Production, a bisa riba su pagina di Facebook cu nan a mira e cacho landando pa acerca e plataforma diabierna ultimo. El a bisa cu pa suerte nan a mir’e, pasobra si tabatin ola, probablemente e no lo tabata visibel.

E cacho a logra yega e plataforma, wantando su mes na e structura di sosten bou di e cubierta, sin yora ni blaf, Vitisak a skirbi.

E team di trahado a logra baha un cabuya y mara esaki rond di e nek di e cacho y his’e. Vitisak a bisa cu nan ta specula cu e cacho por a cay for di un boto piscado, y a yam’e ‘Boon Rod’ of ‘Survivor’.

E cacho a wordo entrega via boto na e haf sur di Songkhla dialuna, y a wordo declara den bon estado despues di a wordo hiba cerca e grupo di proteccion animal Watchdog Thailand.

Vitisak a bisa cu si niun hende reclama e cacho, e lo encanta pa hib’e na su cas, situa nort oost di Thailandia.

 

You May Also Like

Explosion na planta kimico na China ta laga 62 morto

Explosion na un planta kimico diahuebs na China a laga 62 persona morto, y ...

Caso Odebrecht: Fiscalia di Venezuela lo investiga funcionarionan

Venezuela a anuncia investigacion alrededor di caso Odebrecht. Fiscal General di Venezuela Luisa Ortega ...

USA: Trump ta suspende tratado nuclear cu Rusia

Secretario di Estado Mike Pompeo a anuncia ayera cu Estadonan Uni ta suspende e ...

160809134936-faizan-patel-airplane-exlarge-169.jpg

Homber ta bay riba luna de miel sin su casa

Un fotografo di India ta disfrutando un fabuloso lunda de miel Italiano – sin ...