(Msn.com) – Cheryl ta pensa riba e bataya di su amiga y ex-compañera di banda, Sarah Harding contra cancer “cada momento cu e ta lanta”.

E ex-cantante di Girls Aloud, di 39 aña, a revela na september di aña pasa cu nan a diagnostik’e cu cancer di pecho avansa, cu awo a extende na su columna vertebral.

Den e proximo memorianan di Sarah, Hear me Out, Cheryl a skirbi un extracto den unda e tabata detaya su reaccion na e noticianan sobre e salud di su amiga y a bisa cu e tabata sinti impotente y cu e curason kibra.

“E noticia di e enfermedad di Sarah a dal mi asina duro. Desde e dia ey, e la keda den mi mente cada ora di vigilia, tanto cumi ta sinti, cu mi lo kier ta cune” e la skirbi di un, señalando debi na e restriccionnan actual di covid-19, no por wak Sarah.

“Tin biaha e y ami nos ta yama otro riba Facetime, e ta zona fuerte y nos por charla alegramente durante oranan. Otro biahanan simplemente e ta morto. Mi ta supone cu esey ta e naturalesa : e ta parce asina impredecibel” e creado di exito di Fight for this Love a splica.

“Awo solamente mi kier ta eynan cune pa cualkier manera cu por. E por kier yora of despotricar of incluso hari, pero unda cu e ta, simplemente mi kier ta eynan. Pa scuch’e papia sobre loke kico su bida por a ta, y kico e por ta, e ta destrui mi. E ta kibra mi awo, di solamente di djis pense” Cheryl a agrega cu tristeza.

Tambe a reflexiona sobre un reunion di Girls Aloud, cu a tene luga den e club exclusivo di miembronan y hotel Soho Farmhouse na Oxfordshire, poco despues cu Sarah a anuncia cu e la keda diagnostica cu cancer.

“E tabata un biahe encantado pa tur di nos, y Sarah tabata den su miho momento. Semper e tabata un persona dibertido y aguda, pero di algun manera, den todo esaki, e ta aun mas dibertido. Dios sa con” Cheryl a haci broma.

Sarah a revela recientemente cu e mediconan a bisa den december di aña pasa cu e ta poco probabel cu e lo mira un otro pasco.