Cambio di plachi di auto cu a perde color no tin costo adicional

Ainda cantidad di auto ta coriendo rond cu plachi di number cu a perde su color. Vocero di Departamento di Impuesto, Meverly Romano a declara na Bon Dia Aruba cu e problema aki a surgi a base di un fout den e proceso di fabricacion di e plachi. E fout aki a surgi den e numbernan di auto entre 62 mil y 66 mil.

Sra. Romano a laga sa cu e numbernan di auto entre 62 mil y 66 mil ta esunnan cu a perde nan color. Pa atende cu e asunto aki nan a pidi na varios ocasion pa e clientenan cu tin un plachi number asina acudi na departamento di Impuesto pa soluciona esaki. E proceso ta facil, nan mester bin cu e plachi y e funcionario di e departamento aki ta tuma nota cu berdaderamente e plachi a perde su color y nan ta manda traha plachi nobo pa e cliente sin costo adicional. “Pero e cliente mester bin cerca nos”, el a bisa.

E cliente mester acudi na departamento di Impuesto su dependencia of oficina cu tin anexo na edificio principal. E cliente mester kita e plachi un rato fei su auto pa e demostra cu berdaderamente su plachi a perde color pa asina nan manda traha e plachi nobo cu e ta haya den un par di dia so.

Pago di number
Igualmente el a bisa cu e sistema pa paga number di auto pa kwartaal no ta aplicabel mas. E ta stipula den ley cu e forma di pago mester ta full aña of mita aña. E ley ta bisa tambe cu solamente e plachi di categoria A ta haya e posibilidad di paga e number den dos biaha pa aña.

Sinembargo pa e aña aki e dispensacion haci pa otro tipo di plachi pa paga den dos forma di pago no tabata vigente mas. E tabata un dispensacion cu a wordo haci den forma transitorio, pero e aña aki minister actual a prolonga e fase transitorio aki tambe. E categoria aki tin di haber por ehemplo cu un plachi pa truck of diesel truck y bus nan ta haya e posibilidad di paga e belasting di number den dos biaha pa aña.

E unico excepcion ta pa e persona cu tin un plachi personalisa, nan si tin cu paga e belasting aki den un solo biaha, y tambe e motociclistanan tin cu paga e belasting aki un bes pa aña cu ta 150 florin.

Nan ta aplica e pago di kwartaal solamente ora cu un persona ta entrega su plachi di number. Esaki ta depende con largo el a laga su plachi di number cerca e departamento di Impuesto, nan ta duna dispensacion pa paga pa kwartaal. Esaki ta e unico forma cu e departamento aki ta aplica e forma di pago pa kwartaal.

You May Also Like

tire na candela na saliña (3).jpg

Persona(nan) desconoci ta cende candela varios biaha intencionalmente

Dialunan polis y brandweer a bay pa di tantisimo biaha e area na Saliña, ...

IPA ta introduci programa Perspectiva Mundial pa studiantenan

Instituto Pedagogico Arubano (IPA) a cuminsa cu e programa Perspectiva Mundial. Nan tema pa ...

number auto

Cobransa number auto via accijns ainda riba mesa

Gobierno ta sigui cu e plan pa cobra ‘number di auto’ den accijns riba ...

polis.jpg

Lighting Parade, cantidad di detencion a baha di 14 pa 4 compara cu aña pasa

Ayera tabatin un Lighting Parade hopi trankilo unda cu tabatin solamente 4 detencion y ...

Paz laboral: Duana a firma protocol cu gobierno

Diahuebs a keda firma un protocol entre minister di Finansa encarga cu departamento di ...

Dimitri Halley (1).JPG

Casonan di yiunan lantando contra mayor ta birando alarmante

Actualmente Bon Dia Aruba a tuma nota di varios caso tras di otro unda ...