viral campaign.jpg

Cada aña tin diferente campaña riba social media cu ta bay viral y tur aña tin algo nobo cu nos por siña di esakinan. Pa algo bay viral e ta dificil, sinembargo algun elemento cu a yuda e campañanan aki bay viral por yuda otro ideanan di campaña cu ta na caminda awor cu nos ta drentando un otro aña. Ta importante pa menciona cu no ta tur campaña a bay viral riba Facebook solamente y tin diferente otro plataforma riba cual nan a haya popularidad. 

Beautiful/Average riba Youtube

Un di e campañanan grandi di 2015 tabata esun di cu e marca Dove a haci unda cu el a pone banner na dos porta di entrada uno skirbi “bunita” y e otro “averahe”.  Cada persona cu a drenta e establecimento mester a haci uzo di un di e portanan aki. Claro basa riba con nan ta sinti nan mes.

#LastSelfie riba Snapchat

E idea tras di e campaña aki tabata pa trece conscientisacion tocante e animalnan na riesgo pa extincion rond mundo. World Wildlife Fund (WWF) sa cu nan tin audiencia global y cu nan mester yega e audiencia aki pa cual nan a scoge Snapchat pa haci esaki.

#LikeAGirl

E video di #LikeAGirl ta uno cu a capta hopi atencion tambe pa e manera cu e ta mustra con limita un persona ta pensa ora ta trata mucha muhe of hende muhe sin cu ta realisa esaki. Por ehempel, na un momento den e video a puntra un mucha homber pa e core manera un mucha muhe anto e ta actua/core na un manera debil. E actornan dene video a kere cu nan ta haciendo un prueba di actuacion pa algo, sinembargo no ta asina. Ora cu mucha muhenan a wordo haci e mesun pregunta pues pa core manera un mucha muhe, nan a core cu tur poder cu nan tin y cu yen entusiasmo. Pues unda cos ta bay robes.

Asina e campañanan aki a bay viral y nan a lanta conscientisacion riba e diferente areanan mundialmente.

 

 

LEAVE A REPLY

Please enter your comment!
Please enter your name here