imsan

 Departamento di Salud Publico ta investigando e caso di e homber A.P. cu a muri riba e parkeerplaats di centro medico Imsan despues a keda manda cas dos biaha. E director di Imsan ta bisa e fuente Amigoe cu e caso ta uno ‘masha tristo’ y el a haci un denuncio na Departamento di Salud.

E victima a bira malo riba prome dia di Pasco y su famia a hib’e pa tratamento na Imsan. Pero e dokter na warda a dicidi cu no tabatin un motibo urgente pa interna e homber sea mand’e pa hospital. Despues di keda manda cas, e victima a bolbe   busca ayudo na Imsan den oranan di anochi. Pero e mesun dokter kier a mand’e cas atrobe. E biaha aki e famia a reacciona fuertemente y a pone pia abou. Hasta Imsan a yama polis pa interveni. Mientrastanto nan a pone e homber den rolstoel y hib’e pafo. Di ripiente el a bira hopi mas malo y personal di Imsan a purba di reanim’e pero un poco despues el a fayece.

Ora polis a yega, nan a papia cu e dokter concerni y tuma su declaracion. E caso tambe ta den man di recherche, segun e fuente.

 

 

 

LEAVE A REPLY

Please enter your comment!
Please enter your name here