Candela na Paris mas letal desde 2005

E candela di mas mortal den mas cu un decada na Paris a mata mas cu dies persona ayera, mientras e candela tabata consumi un edificio di apartamento di nuebe piso, mandando e residentenan riba e dak y bulando balcon pa purba scapa.

Un muhe di 40 aña di edad, residente di e edificio y cu ta bisa cu tin un historia di problema psikiatrico, a wordo aresta y cera bou sospecha di a cende e candela. Polis Frances a habri un investigacion criminal pa candela intencional resultando den morto. E sospechoso a wordo transferi pa hospital pa evaluacion.
Varios bisiña a bisa cu nan a scucha e sospechoso y su bisiña, un brandweer off-duty, discutiendo tocante e musica di e muhe prome cu e candela a cuminsa.

Polis respondiendo na e disputa a stop na e apartamento di e muhe. E brandweer y su pareha a bisa oficialnan cu nan tabata bayendo pa drumi un otro caminda na paz, y a kere cu e bisiña a ‘perde cabes’ y un dia lo tin un accidente pa via di dje, segun un reporte di polis.

Den un entrevista cu Le Parisien, e brandweer di 22 aña di edad a bisa cu el a bolbe na e edificio algun minuut despues, un tiki pasa di mey anochi, cu speransa cu e muhe lo a bay. Na luga di esaki, el a top’e banda di e trapi, cual ya caba tabata hole huma. “El a desea mi bon suerte, bisando mi cu mi stima candela”, el a bisa.

Sobrevivientenan a describi e caos di huma y candela, y e hoben brandweer a bisa cu el a core subi trapi pa purba evacua e edificio. Otro residente, un agente policial off-duty, a bisti paña y core toca bel tras bel purbando di desespera di lanta y alerta su bisiñanan. “Mi no por a salba nan tur. Mi no por pordona mi mes”, e homber, identifica como Fabrice, a bisa, añadiendo cu e candela a preveni e di subi mas ariba cu e di cuater piso.

Esaki tabata e candela mas mortal na Paris desde april di 2005, ora cu un hotel cerca di e famoso Opera di e capital a gara candela, causando morto di 24 persona.

You May Also Like

USA: Senado ta condena asesinato di Khashoggi y guera na Yemen

Senado Mericano a yega ayera na un votacion pa retira ayudo Mericano pa e ...

01c79baa2a3015cfa95f08b19bfbdcd4.jpg

Arma secreto di Trump pa e debate final

Donald Trump ta bay haci tur lo posibel pa bira president di Merca awe ...

Conflicto di Siria: Bombardeo di Damasco tras di persecucion di auto

Un ‘suicide bomber’ a lansa un atake den e capital di Siria, informenan ta ...

Facebook defensivo contra preocupacion pa salud mental di moderadornan

ESTADONAN UNI (CNET) – E red social ta defende su practica di contrata contratistanan ...

volkswagen.jpg

Volkswagen: recall 8.5 miyon total na Europa

Despues e noticia awe mainta cu Alemania ta obliga Volkswagen pa retracta 2.4 vehiculo, ...

Indonesia a renombra parti di lama di Sur di China

Indonesia a renombra e teritorio di e pais su zona economico exclusivo den e ...