Parlamentario Endy Croes(MEP): ‘Flavio Faneyte Staff na Elmar NV tambe ta forma parti di bestuur di Lotto y di e presunto corupcion den Lotto’  

ORANJESTAD – Di acuerdo cu Parlamentario Endy Croes den luna di februari muy probablemente Hues lo duna un veredicto den e bodemprocedure di Lotto pa Deporte. Ta trata di e caso unda minister di Deporte a pidi e Bestuur di AVP pa entrega nan retiro pa asina Minister por nombra su hendenan di confiansa.

Sinembargo miembronan di AVP net despues di eleccion 2017 a cambia e Statutonan pa asina acomoda nan mes y bira untouchable. Hues den luna di januari 2018 a duna e bestuur sinberguensa y corupto aki rason  den kortgeding. Mesun momento a inicia e proceso pa un Bodemprocedure y esaki a dura net un aña unda memey di februari proximo lo tin un veredicto final.

Corupcion moderno den Lotto
Un persona cu ta forma parti di directiva di Lotto ta Flavio Faneyte. Flavio Faneyte (intimo amigo di Benny Sevinger) ta den directiva di Lotto desde november 2009 nombra pa AVP y no a logra net net nada. De appel valt niet ver van de boom.

Ta hustamente bao di wowonan di Flavio Faneyte e presidente e tempo aya y awor Director Di Stefano Wernet tabata gosa den tur bar rond di Aruba malgastando placa di Lotto y pues di nos deportistanan. Tambe e tabata paga su mes sumanan gigantesco pa yuda administratie di Lotto. Nos ta papia di sumanan di 8000 florin pa luna. Abogadonan amigo di AVP ta strica entre 400 pa 500 mil pa aña. Esaki ta e maneho cu Flavio Faneyte a aproba y ta forma parti di e corupcion moderno den Lotto. Flavio Faneyte, empleado y Staf di Elmar NV tambe ta culpabel cu Deportistanan no ta ricibiendo nan fair share.

Complehonan deportivo total loss
E siman aki nos lo bin cu un cantidad di prueba con e maneho di Lotto a la piratanan cu un banda di wowo ta opera dicho fundacion.

Nos no por compronde con Staf di Elmar NV Sr. Faneyte ta keto bay den fechoria y alabes trahando den un compania renombra manera Elmar. Kisas Elmar no tabata na altura di e fechorianan di su empleado cu ta tumando luga den Lotto? Pueblo por husga pa su mes. Mira rond, Parke Jaburibari, Stadion Frans Figaroa, Stadion Guillermo Trinidad, Simeon Antonio, Kudawecha, Flatstone, Pos Chiquito pa nombra algun tur ta total loss faltando atencion y mantencion. Na luga cu Flavio Faneyte di Elmar bringa pa deporte pa drecha esakinan, pa 8 aña largo a sinta firma y aproba e deroche pa su amigonan den bestuur hortando na un manera fini placa di deporte.

Investigacion riguroso
Algemene Rekenkamer Aruba lo reuni cu Parlamento diamars awor preparando pa drenta Lotto pa haci un investigacion riguroso.

Parlamentario Endy Croes lo bay manda un carta pa gerencia di Elmar alrespecto con por ta posibel pa un empleado den Staf di ELMAR ta wordo permiti pa traha den un fundacion unda presunto corupcion den gran escala lo a tuma luga y esaki lo bay wordo comproba den e aña aki momento cu e investigacion lo bay determina esaki. Dado caso mester entrega denuncianan oficial lo percura pa haci esaki tambe y esunnan cu a peca contra Statuut y of Ley of tambe contra Good Corporate Governance lo mester cuminsa prepara pa defende nan mes.

You May Also Like

Reaccion di partidonan cu no a logra haya representacion den parlamento

Despues cu resultado di eleccion a keda conoci, Bon Dia a acerca partidonan cu ...

‘Minister Andin Bikker ta pio cu minister Oduber’

Un di e berguensanan mas grandi cu ta tumando luga na e momentonan aki ...

AVP: ‘Minister Oduber a fix 5.6 miyon den presupuesto supletorio pa funciona cu ne’

Siman pasa durante tratamento di presupuesto supletorio 2017, a keda comproba cu minister di ...