Candidata pa Miss Francia, Naima Dessout a keda descualifica pa e comite organisador di Miss Francia, y no ta permiti pa participa den eleccion di Miss Francia 2021 pa motibo cu a considera su potretnan personal como ‘no conforme’.

Presidente y delegado regional di Comite Miss Saint-Martin/Saint Barthelemy, Catherine Vermot di Boisrolin a bisa cu Dessout tabata victima di un ‘denuncia anonimo’ cu a manda e potretnan no conforme di dje directamente na Organisacion di Miss Francia (MFO).

“Lastimamente, Comite Miss Saint-Martin/Saint-Barthelemey pa Miss Francia ta anuncia cu nos embahador, Naima Dessout, no ta autorisa pa participa den eleccion di Miss Francia 2021”, Boisrolin a declara den un comunicado di prensa. “Mirando e caracter di e potretnan y e reglanan nacional di Organisacion di Miss Francia den nan estado actual, no ta laga un margen di posibilidad pa Naima participa. E Comite Miss Francia St. Martin ta denuncia y lamenta e campaña di denuncia anonimo. Sinembargo, e comite, tumando nota di e potretnan y deduciendo cu a saca esakinan den contexto familiar sin intencion di caracter vulgar, erotico of pornografico, ta tuma e decision di mantene su candidata pa e titulo regional di Miss Saint-Martin/Saint-Barthelemy 2020. Nos embahador lo honra tur su compromisonan actual y futuro. Nos ta tuma e oportunidad aki pa gradici tur persona kende, a traves di nan voto, nan sosten riba rednan social y prensa, a compaña Naima te awo. Nos ta desea un preparacion sereno na e otro candidatanan pa e proximo eleccionnan regional y un aventura tremendo na e embahadornan ya eligi pa futuro. Si e aventura di Miss Francia yega su fin, ta un storia completamente diferente cu ta cuminsa den horizonte.”

 

LEAVE A REPLY

Please enter your comment!
Please enter your name here