Ta premira cu cannabis medicinal lo yega den cierto tiendanan aproba diamars venidero, despues cu e estado su Departamento di Agricultura a completa testnan final pa duna luz berde pa cannabis terapeutico por subi mercado pa pashentnan.

Comisionario di Agricultura Mike Strain a anuncia diamars anochi cu GB Sciences, un di e 2 cultivado di cannabis cu aprobacion di gobierno di estado, lo por cuminsa distribui e producto na e tiendanan (dispensario) registra. Strain a gradici tur persona envolvi di cuminsamento te finalisacion pa haci esaki un realidad.

John Davis, den reaccion cortico na Associated Press a conta cu ‘mi no por ni bisa bo con emociona nos ta pa pashentnan’. Pashentnan na Louisiana ta wardando ya añanan pa e mata medicinal , despues cu legisladonan a crea e framework di regulacion pa distribui cannabis medicinal den 2015. Desacuerdo riba kico ta e miho caminda pa regula e producto ta loke a tene e proceso pa nan yega riba mercado atras. Solamente LSU y Southern University su centronan di agricultura ta autorisa pa crece marihuana di grado medico. GB Sciences ta cultiva den nomber di LSU.

Bou un ley pasa den 2015, den cual a inclui varios cambio desde cu a bin cune, Louisiana ta laga cannabis medicinal trata un lista largo di malesa y trastorno, manera cancer, atake, panico, epilepsia, glaucoma, PTSD y Parkinson’s.

E cannabis ta disponibel den varios forma, incluyendo azeta medicinal, likido, cremanan di aplicacion, y inhalador, manera esunnan uza pa pashentnan di asma.

 

LEAVE A REPLY

Please enter your comment!
Please enter your name here