(AP) – Un cantante Irani cu a gana un Grammy presenta pa Primera Dama di Merca Jill Biden a ricibi sentencia di mas di 3 aña den prizon a causa di su himno unda e ta sostene e protestanan a causa di e morto di Mahsa Amini.
Shervin Hajipour a publica riba Instagram diabierna, e mesun dia cu Iran a tene su eleccion parlamentario, loke ta aparenta di ta un sentencia den su contra. El a bisa cu Hajipour a ricibi un sentencia di 3 aña cu 8 luna bao acusacion di “propaganda contra e sistema” y “encurasha hende manifesta.” E corte a dicta su sentencia parcialmente pa motibo cu nan a haya cu e no a expresa repentimento apropiadamente tocante e publicacion di e cantica. Tambe a impone un prohibicion di biahe di 2 aña y a ordena su persona crea un cantica tocante “crimennan Mericano,” ademas di haci publicacion tocante e crimennan aki online.
Hajipour a duna danki na su abogadonan y agente pa nan sosten.
“Mi no lo menciona e nomber di e hues y fiscal pa nan no sinti insulta y menasa, pa motibo cu insultonan y menasanan no ta den e religion di humanidad,” el a skirbi. “Finalmente, algun dia lo nos compronde otro. Nos lo topa e dia ey.” Hajipour ya caba a cumpli cu un sentencia di prizon, pero el a logra su libertad mientras corte ta yega na un decision. Iran su mision na Nacionnan Uni den New York no a inmediatamente responde na e peticion pa comentario.
Hajipour su cantica “Baraye” of “For” den Ingles ta cuminsa cu; “Pa baila riba caya,” “Pa e miedo cu nos ta sinti ora nos sunchi otro.” E letranan ta nombra e motibonan cu hobennan di Iran a publica online di pakico nan a manifesta contra Iran su teocracia den mando despues di Amini su fayecimento den aña 2022, aparentemente pa motibo cu e no a bisti un ‘headscarf’ manera forsanan di siguridad kier.
E manifestacionnan aki a escala rapidamente den yamadonan pa tumba Iran su mando. Accion consecuente di esaki di parti di siguridad a termina den e fayecimento di 500 persona cu mas di 22,000 deteni.
Jill Biden a otorga Hajipour e Grammy su premio nobo di merito special pa un cantica cu ta pa cambio social durante e ceremonia aña pasa. “E cantica aki a bira e himno di e protestanan pa Mahsa Amini, un yamado poetico y poderoso pa libertad y derecho di hende muhe,” Biden a bisa na e ceremonia. “Shervin a ser aresta, pero su cantica ta sigui resona rond di mundo cu su tema poderoso; Muhe, bida y libertad.”
Hajipour su sentencia ta bini mientras otro activistanan, reporteronan y artistanan a enfertna aresto, encarcelacion y acoso desde cu e manifestacionnan a cuminsa. Entre esunna cu ta den prizon tin Nobel PEace PRize Laureate Narges Mohammadi.
Centro pa Derechonan Humano di IRan a condena Hajipor su sentencia diabierna y a exigi pa Iran inmediatamente libera su persona for di e sentencia.
