Departamento di Salubridad Publico, DVG, den su resumen diario riba e desaroyonan di pandemia di Covid-19 na Aruba, a informa cu ayera e cantidad di casonan activo tabata 321.

Ademas, DVG a informa cu segun resumen di ayera, 45 persona a recupera di e virus. A registra un total di 13 caso nobo di Covid-19, di cual tur ta residente di Aruba. E cifranan aki ta representa un tasa di positividad (‘positivity rate’) entre nos residentenan di 16 porciento.

E cantidad di fayecido relaciona cu e malesa causa pa e virus SARS-CoV-2 no a conoce aumento y ta keda na 155.

Datonan di DVG ta ilustra casonan nobo di Covid cu un averahe semanal di 33 caso pa dia y un averahe di tasa di positividad semanal di 15 porciento pa dia.

Actualmente na Aruba tin 30 persona interna den Hospital Dr. Horacio Oduber debi na Covid, di cual 8 ta den Unidad di Cuido Intensivo ICU, y 22 riba piso general. Hospitalisa na Colombia tin actualmente 24 pashent di Aruba, kende ta den ICU.

LEAVE A REPLY

Please enter your comment!
Please enter your name here